✺Baburname

Yana bir karchadur, qarlug‘och yosunliqtur. Qarlug‘ochdin xayli ulug‘dur. Yak-rang qopqorodur. Yana bir ko‘yaldur, uzunluqi zog‘chacha bo‘lg‘oy. Zog‘chadin xayli inchkarak-dur. Tavri o‘qur. Hinduston bulbuli bu emish, Hinduston eli qoshida bulbulcha hurmati bordur. Qalin daraxtliq bog‘larda bo‘lodur. Yana bir qushdur, shaqroq yosunluq yig‘ochlarg‘a yopishib yurur. Ulug‘luqi shaqroqcha bo‘lg‘oy. To‘tiy dek sabzranglikdur. Su hayvonoti: bir sher obiydur, qora sularda bo‘lodur. Kalasqa mushobihi bor. Derlar kim kishini va balki govmeshni olur emish. Yana sisordur, bu ham kalas vaz’idur. Tamom Hinduston daryolarida bordur, tutub kelturub edilar. Uzunluqi

to‘rt besh qori yovushur edi. Yo‘g‘onlig‘i qo‘ycha bo‘lg‘oy. Mundin ulug‘roq ham bo‘lur emish. Yarim qoridin uzunroq tumshug‘i bor. Yuqorig‘i tumshug‘i va quyig‘i tumshug‘ida inchka-inchka qator kichik tishlari bor. Su yaqolarida chiqib yotadur.

Yana xuk obiydur, bu ham tamom Hinduston daryolarida bo‘lur. Sudin bayakbor chiqar, boshi ko‘runur-ko‘runmas yana sug‘a cho‘mar, quyrug‘i ko‘runub qolur. Muning tumshug‘i ham sisor tumshug‘i dek uzundur va ushoq qator tishlari bordur. O‘zga boshi va tanasi bolig‘ dektur. Suda o‘ynar vaqt mashk yosunluq ko‘runadur. Saru suyidog‘i xuk obiylar o‘ynar mahal sudin durust chiqadur. Bu bolig‘ dek sudin toshqori hargiz chiqmas. Yana garyoldur, bu ulug‘ bo‘lur emish. Saru daryosida cherik elidin xayli kishi ko‘rdilar. Bu kishini olur emish. Saru yaqosida ekanda bir ikki dodak olib-tur. G‘ozipur bila Banoras orasida urdu elidin uch to‘rt kishini oldi. Ushbu