✺Baburname

bor, solinib turodur. Muning badnumolig‘i bor. Suxango‘y qilurlar. Yaxshi aytur va fasih aytur. Yana bir nav’ shorak bo‘lur, burun mazkur bo‘lg‘on shorakdin inchkaraktur. Ko‘zlarining girdi qizil bo‘lur. Bu jins suxango‘y bo‘lmas, vanshorak derlar. Yana bu fursatta kim Gang suyig‘a ko‘pruk bog‘lab o‘tub muxoliflarni qochurduq, Laknur va Avad va navohisida bir nav’ shorak ko‘ruldi kim ko‘ksi oq, boshi ola, orqasi qora, hargiz ko‘rulmaydur edi.

Bu jins g‘olibo so‘z o‘rganmas. Yana luchadur. Bu qushni buqalamun ham derlar. Boshidin quyrug‘ig‘acha besh olti muxtalif rangi bor. Kabutarning bo‘yni dek barroqdur. Ulug‘lug‘i kabki dariycha bo‘lg‘oy. G‘olibo Hinduston kabki dariysidur. Nechuk kim kabki dariy tog‘larning qulla-larida yurur, bu ham tog‘ qullalarida yurur. Kobul viloyatlaridin Nijrov tog‘larida va andin quyi tog‘larda bo‘lur. Andin yuqori bo‘lmas. Ul el ajab nima rivoyat qildilar: qish bo‘lg‘och tog‘ domanalarig‘a tushar. Agar uchursalar kim uzum bog‘idin o‘tsa yana aslo ucha olmas.