✺Baburname

susani bo‘lur. Bu jins suxango‘y bo‘lmas. Muni Kashmir to‘tisi derlar. Yana bir nav’ to‘ti bo‘lur, jangali to‘ti dek kichikrak bo‘lur. Tumshug‘i qora, bo‘ynida ulug‘ qora tavqi bor. Qanot-larining usti qizil. Yaxshi so‘z o‘rganur. Xayol qilur eduk kim to‘ti va shorak har ne o‘rgatsalar aytur, o‘z boshicha ma’ni taxayyul qilib talaffuz qila olmas. Bu fursatta Abulqosim Jaloyir kim yaqin mulozimlarimdin dur, ajab nima rivoyat qildi. Ushbu jins to‘tining qafasi yopug‘ ekandur. To‘ti aytibtur kim: «Ruyi maro vo kun, damgir shudam». Yana bir navbat ko‘tar-gan dam olg‘oli olturg‘onda rahguzar el o‘tub borodurlar ekandur. To‘ti debtur kim: «Mardum raftand, nameraved?» Val-uhdatu ala-r-rovi. Bovujud kishi o‘z qulog‘i bila eshitmaguncha

inonsa bo‘lmas. Yana bir nav’ to‘ti bo‘lur, xushrang qipqizil, yana ba’zi ranglari ham mushaxxas xotirda qolmag‘on uchun mashruh bitilmadi. Qizil, bisyor xushshakl to‘tidur. Suxango‘y ham qilurlar ermish. Aybi budur kim chini sinug‘ini mis tabaqqa tortqon dek ko‘p noxush va tez uni bor. Yana shorakdur. Bu Lamg‘onotta bisyordur. Andin quyi tamom Hindustonot-ta ko‘p bo‘lur. Bu ham turluk turluk bo‘lodur. Bir nav’i budur kim Lamg‘onotta ko‘p bo‘lur. Boshi qora, qanotlari ola, jussasi chug‘urchuqdin bir nima ulug‘roq va qo‘proqtur. So‘z o‘rgatur-lar. Bir nav’i pandovli derlar, Bangoladin keltururlar. Yakrang qoradur, jussasi bu shorak-din xayli ulug‘tur. Tumshug‘i va ayog‘i sorig‘tur. Ikki qulog‘ida sorig‘ po‘stlari