✺Baburname

Bo‘ynidin quyi orqasi sorig‘ to‘ti va ko‘k va binafsh ranglar bila munaqqash voqi’ bo‘lubtur.

Orqasidag‘i gullari kichikrak kichikrak gullardur. Orqasidin quyiroq ushbu ranglar bila munaqqash ulug‘ ulug‘ gullar quyrug‘ining uchig‘acha bordur. Ba’zi tovuslarning quyrug‘i biror quloch bo‘lur. Bu gulluk parlarining ostida qisqaroq o‘zga qushlarning quyrug‘i dek quyrug‘i ham bordur. Bu rasmiy quyrug‘i va qanotlari qizildur.

Bajur va Savod va andin quyi bo‘lur. Andin yuqori Ko‘nar va Lamg‘onot va hech yerda bo‘lmas.

Uchmoqta qirg‘ovuldin ham ojizroqdur. Bir ikki qatladin ortuq ucha olmas. Uchmaq Zabun jihatidin yo tog‘da bo‘lur yo jangalda. Bu ajabtur kim tovus bo‘lur jangallarda shag‘ol ko‘p bo‘lur. Bir quloch quyrug‘i bila jangaldin jangalg‘a yurur. Shag‘oldin nechuk mutazarrir bo‘lmas ekan? Hindustoni mor der. Imom Abu Hanifa mazhabida haloldur. Go‘shti xayli ozmaza emas.

Durroj go‘shtig‘a o‘xshordur, vale teva eti dek karohat-i tab’ bila yeyiladur. Yana to‘tidur.

Bu ham Bajur va andin quyi viloyatlarda bo‘lur. Yozlar tut pishig‘ida Niknahor va Lamg‘onot-g‘a kelur. O‘zga vaqtlarda bo‘lmas. To‘ti turluk turluk bo‘lodur. Bir nav’i uldur kim ul viloyatlarg‘a eltarlar, suxango‘y qilurlar. Yana bir nav’i bu to‘tidin kichikrak bo‘lur. Muni ham suxango‘y qilurlar. Bu jinsni jangali derlar. Bu jins Bajur va Savod va ul navohi-da bisyor bo‘lur. Ul martabada kim besh ming olti ming bir xayl uchar. Bu to‘ti bila ul to‘ti orasida jussada tafovuttur; ranglari xud bir dek o‘qtur. Yana bir nav’ to‘ti bo‘lur, jangali to‘tidin hanuz kichikrak; boshi qipqizil, qanotlarining usti ham qizil bo‘lur. Quyrug‘ining uchi ikki eligicha yer oq bo‘lur. Ushbu jinsning ba’zisining boshi