✺Baburname

Uy bu charxni evurgach poralari ikkinchi charxning poralarig‘a kirib ul ko‘zalik charx evrulur. Suv to‘kulur yerda nov qo‘yupturlar. Novdin har qoyon suv eltarlar. Yana Agra, Chandvor va Biyona va bu navohida dalv bila suv beradurlar. Bu mashaqqatliqtur va murdorlig‘i ham bor.

Choh yoqasida ayri yig‘ochni berkitib ayrining orosida g‘alton tartib qilib turlar.

Uzun arg‘amchig‘a ulug‘ dalvni bog‘lab bu g‘alton ustiga solibturlar. Arg‘amchining bir uchini uyg‘a bog‘lapturlar. Bir kishi uyni haydamoq kerak, bir kishi dalv suvini to‘kmak kerak. Har qatla uy tortib dalvni chiqarib yonar mahalda bu ul arg‘amchi uyni-ning yo‘lig‘a kim uy siduk va tezaki bila mulavvasdur tegib yana chohg‘a tushar. Ba’zi ziroatlarga suv ehtiyoj bo‘lsa ko‘za bila er va xotun suv toshib sug‘oradurlar.

Hindustonning shahrlari va viloyatlari asru besafodur. Bori shahrlari, bori yerlari bir vaz’liq. Bog‘otig‘a tom bo‘lmas. Aksar yerlari tuptuz voqi’ bo‘luptur.

Ba’zi daryolarning va rudlarning yoqasi bishkol yomg‘urlari jihatidin obkandlar bo‘luptur kim har yerdin ubur va murur mutaassirdur. Tuzlarida ba’zi yerlarda tikanlik daraxt jangali bordur kim pargananing eli bu jangallarda qo‘rg‘onib mutamarridliq qilib mol bermaslar.