Chagatay
بیانه ولایتی غه بارور سیکری و باری و دولپور نینک تاغ لاری هم اوشبو توتا تاغ لاردین دور
Turkish
Biyana vilayetine gider. Sikri, Bari ve Dulpur dağları da bu birbirine bağlı dağlardandır.
English
Not yet available.
Aa
Bookmarks (0)
Open a passage to bookmark it.
Saved in this browser.Manuscript folio 273b
Choose languages
Page 545 of 762
Chagatay
اگرچه پیوست ایماس گوالیال نینک کیم گالپور بیتیرلار تاغ لاری اوشبو تاغ نینک شعبه لاریدین دور رنتنبور و چیتور و منداؤ و چندیری تاغ لاری هم اوشبو تاغراکلاریدین دور بعضی یرلرده یتی سکیز کروه منقطع بولوبتور بو تاغ لار پست پست و درشت و تاشلیق و جنگللیک تاغ لاردور بو تاغ لاردا قار اصلا یاغماس هندوستان دا بعضی دریا لارنینک منبعی بو تاغ لاردور هندوستان نینک اکثر ولایتی توز یرده واقع بولوبتور مونچه شهرلار و مونچه ولایت لار کیم بار هیچ یرده آقار سو یوق تور آقار سوی دریا لاردور بعضی یرلاردا قرا سولاردور بعضی شهرلارنینک کیم اریق قازیب سو چیقارور قابلیتی بار سو چیقارما یدورلار بو نیچه جهتتین بولا آلور بر بو کیم زراعتی و باغاتیغه اصلا سو احتیاج ایماس خریفی محصولی خود بشکال یامغوری بیله بولا دور
Turkish
Bitişik olmasa da, Galpur diye yazdıkları Gvaliyar’ın dağları bu dağın kollarındandır. Rantenbur, Çitor, Mandav ve Çanderi dağları da bu dağ sıralarındandır. Bazı yerlerde yedi sekiz kuroh boyunca kesilirler. Bu dağlar alçak, engebeli, taşlık ve ormanlı dağlardır. Bu dağlara hiç kar yağmaz. Hindistan’daki bazı ırmakların kaynağı bu dağlardır. Hindistan’ın çoğu vilayeti düzlüktedir. Bunca şehir ve vilayet bulunmasına rağmen hiçbir yerde akarsu yoktur; akan suları büyük ırmaklardır. Bazı yerlerde kara su denilen sular vardır. Kanal kazıp su getirmeye elverişli bazı şehirlere su getirmezler. Bunun birkaç sebebi olabilir. Birincisi ekinlerinin ve bahçelerinin sulamaya hiç ihtiyaç duymamasıdır. Güz mahsulü zaten yağmur mevsiminin yağmurlarıyla yetişir.
English
Not yet available.
Chagatay
بو غریب تور کیم ربیعی محصولیغه اگر یامغور بولماسا هم بولا دور درخت لارنینک نهالیغه بر ایکی ییل سو نی تاشیب یا چرخ بیله یا دلو بیله سو بیرا دورلار اندین سونکرا اصلا سو بیرماک احتیاج ایماس بعضی سبزلارغه سو بیرا دورلار لاهور و دیبالپور و سهرند و اول نواحی دا چرخ بیله سو بیرا دورلار ایکی اوزون ایبنی چاه نینک قدی حلقه قیلیبتورلار ایکی ایبنینک آراسیغه ییغاچ لار باغلاب کوزه لارنی ییغاچ لارغه برکیتیبتورلار بو کوزه لارنی برکیتکان ایبنی چاه اوستیداکی چرخقه سالیبتورلار بو چرخ نینک تیرینینک ینه بر باشیدا ینه بر چرخ قیلیبتورلار بو چرخ نینک قاشیدا ینه بر چرخ قیلیبتورلار کیم اوقی تیک توروبتور
Turkish
İlginçtir ki bahar mahsulü yağmur yağmasa da yetişir. Ağaç fidanlarına bir iki yıl su taşıyarak yahut çarkla veya kovayla su verirler. Ondan sonra hiç sulamaya ihtiyaç kalmaz. Bazı sebzeleri sularlar. Lahor, Dibalpur, Sihrind ve o çevrede çarkla sulama yaparlar. İki uzun ipi kuyu derinliğince halka yapmışlardır. İki ipin arasına ağaç parçaları bağlayıp testileri bu parçalara tutturmuşlardır. Testilerin tutturulduğu ipi kuyunun üstündeki çarka geçirmişlerdir. Bu çarkın milinin öteki ucuna başka bir çark yapmışlardır. Onun yanına da ekseni dik duran bir çark yapmışlardır.
English
Not yet available.