✺Baburname

O‘zining va umarosining mingga yovuq fili bor, derlar edi. Iki otasidin qolg‘on xazina xud aning elikida edi. Hindustonda bir rasme bordur kim mundoq ish tushganlarda yarmoq berib mi’od bila navkar tutarlar. Bu elni Bihindiy [?]

derlar. Agar mundoq xayol qilsa edi, bir lak iki lak ham navkar tuta olur edi. Tengri taolo rost kelturdi: ne yigitni rozi qila oldi, ne xazinasini ulasha oldi. Yigitini qondin rizo qila olur kim tabiatig‘a imsok ko‘p g‘olib edi. O‘zi yarmoq yig‘ishturmoqqa be-had tolib, be-tajriba yigit edi. Ne kelishi saranjomliq edi, ne turushi, ne yurushi ehtimomliq edi, ne urushi. Ul fursatta kim Ponipatta cherik elining atrof va javonibini aroba va shox va xandaq bila mazbut va murattab qila dur-edi, Darvesh Muhammad Sorbon arzg‘a yetkurdi kim: «Muncha ehtiyot kim bo‘ldi, ul ne imkondur kim kelgay?» Dedim kim: «Sen bularni O‘zbek xon sultonlarig‘a qiyos