✺Baburname

Humoyung‘a Hisor-i Firuzani tavobi’ va lavohiqi bila kim bir kuro‘r viloyattur, yana bir kuro‘r yarmoq jald berildi. Ul yurttin ko‘chub Shohobod kelduk. Til tuta Sulton Ibrohimning o‘rdusig‘a kishi yiborib necha kun bu yurtta tavaqquf bo‘ldi.

Rahmat Piyodani fathnomalar bila Kobulg‘a yiborildi. Ushbu yurtta dushanba kuni Jumodiy ul-avval oyining yigirma sekizida oftob Hamal burjig‘a tahvil qildi. Ibrohimning o‘rdusidin ham mutavotir xabarlar kela boshladi kim bir kuro‘h, ikki kuro‘h ko‘chub har yurt-ta ikki uch kun maqom qila-qila keladur. Biz ham mutavajjih bo‘lub Shohoboddin aro ikki qo‘nub Jun daryosining yoqasig‘a Sarsova to‘g‘risi kelib tushtuk. Xoja Kalonning navkari Haydar Qulini til tuta yiborildi. Men Jun daryosin guzar bila kechib borib Sarsovani sayr qildim. Ul kuni ma’jun ham yeb eduk. Sarsovaning chashmasi bor.

Azroqcha suv bu chashmadin chiqib boradur. Yomon yer emas. Bir Turdi Beg xoksor ta’rif-qildi. Men dedim kim: «Sening bo‘lsun». Bu taqrib bila Turdi Begga Sarsova berildi.