✺Baburname

G‘oziy Xonning ustiga ilg‘or ayirg‘ondin so‘ng himmat rikobig‘a oyoq qo‘yub tavakkul inonig‘a ilik urub Sulton Ibrohim bin Sulton Iskandar bin Sulton Bahlul Ludiy Afg‘on-ning ustiga kim ul tarixda Dehli poytaxti va Hinduston mamoliki aning taht-i tasarrufida edi. Hozir cherikini bir lak derlar edi. O‘zida va beglarida mingga yovuq fil chanorlar edi.

Mutavajjih bo‘lduq. Bir ko‘chdin so‘ng Boqiy Shiqovulg‘a Dipolpurni inoyat qilib Balxg‘a ko‘mak yiborildi. Balx maslahati jihatidin qalin yarmoq va Kobul-dog‘i uruq-qayosh va o‘g‘lon-ushoqqa Milvat fathida tushkan mato’din savg‘otlar yiborildi. Dun quyi bir ikki ko‘chdin so‘ng Shoh Imod Sheroziy Oroyish Xonni va Mullo Muhammad Mazhab[?]ning xatlarini olib keldi. Bir pora davlatxohliq izhori qilib bu yurushga sa’y va ihtimom-qilibturlar. Biz dag‘i bir yayoqdin inoyat farmonlari yiborib ilgari ko‘chtuk.

Milvattin borg‘on chopqunchi Harur va Kahlur va ul navohi-dog‘i tog‘ qo‘rg‘onlarini kim muddatlar ekandur, ul arog‘a berkligidin hechkim borg‘on emas ekandur, tamom olib elini tolab bizga kelib tushtular. Olam Xon ham xarob, yayoq, yaling keldi. O‘trusig‘a beglardin, ichkilardin yiborib otlar ham yiborduk. Ushbu navohida kelib mulozamat qildi. Bu navohining tog‘ va daralarig‘a dag‘i chopqunchi borib ikki qo‘nub keldilar. Mu’taddun-bihi nema ilikka tushmadi. Shoh Mir Husayn va Jon Beg va ba’zi yigitlar chopqung‘a ruxsat tilab bordilar. Dunda ekanda ikki uch navbat Ismoil Jalvoniyning va Bibanning arzdoshtlari keldi. Mundin ham alarning ko‘ngli tilagan dek farmonlar yiborildi.