✺Baburname

Mulloyona kitoblar xud bisyor edi, vali ancha nafis kitoblar kim ko‘z tutulur edi, ancha chiqmadi. Kechasi anda qo‘nub tonglasi o‘rdug‘a keldim. G‘oziy Xonni qo‘rg‘onda tasavvur qilur eduk. Ul be-hamiyyat nomard ota inisini va ona ikasi va singlisini Milvat-ta tashlab ma’dudiy bila tog‘ sori qochibtur.

Mabin on be-hamiyyat-ro ki hargiz / naxohad did ro‘y-i nekbaxti.

Tan-osoni guzinad xveshtan-ro / zan-u farzand biguzorad ba saxti.

Chahorshanba kuni ul yurttin ko‘chub G‘oziy Xon qochqon tog‘ sori mutavajjih bo‘lduq.

Milvatning og‘zidog‘i yurttin bir kuro‘h yo‘l kelib bir qo‘lda tushtuk.

Dilovar Xon munda kelib mulozamat qildi. Davlat Xonni va Ali Xonni va Ismoil Xonni va yana bir necha ulug‘larini band qilib Kataka topshurduq kim Bihra-dog‘i Milvat qo‘rg‘ong‘a eltib saqlag‘oy. O‘zgalarini kim har kishiga tutturulub edi, Dilovar Xonning ittifoqi bila xunbaho ta’yin qildilar. Ba’zilarini band qilib saqlad-lar. Kata bandilarni eltti. Davlat Xon Sultonpurg‘a yeta o‘ldi. Milvat qo‘rg‘onini Muhammad Ali Jang Jang uhdesida qilduq. O‘z jonibidin og‘osi Arg‘unni bir pora yigit bila anda qo‘ydi. Hazora va Afg‘ondin ham ikki yuz elligcha kishi qo‘rg‘ong‘a ko‘mak ta’yin bo‘ldi.