✺Baburname

edi? Andoq muqarrar bo‘ldi kim xaylxona va haramlarini bularg‘a topshurub o‘zga bo‘lg‘on jami’ jihotlarni zabt qilg‘oylar. Farmon bo‘ldi kim Xoja Mir Miron bila tushgay.

Shanba kuni Rabi’ ul-avval oyining yigirma ikisida bularning xaylxona va haramlarni solim chiqor-moq uchun o‘zum kelib Milvat qo‘rg‘onining darvozasining ro‘baro‘si-dog‘i balandga tushtum. Ali Xon chiqib bir pora ashrafiy peshkash qildi. Namoz-i digarga yovuq xaylxonalarni va haramlarni chiqora kirishtilar. G‘ozi Xonni agarcha chiqib kelibtur derlar edi, vale ba’zilar dedi kim: «Biz ko‘rduk kim qo‘rg‘ondadur». Bu jihat-din ba’zi ichkilarni va chehralarni darvozada qo‘yuldi kim gumonliq kishini axtorg‘oy-lar kim G‘ozi Xon mug‘olata qilib chiqmag‘oy, kim kulliy g‘araz ul edi. Yana ba’zi javohir va charov ham yoshurub chiqodurg‘on bo‘lsa zabt qilg‘oylar. Ushal darvozaning olidog‘i

balandda chodir tikturub kecha anda-o‘q bo‘ldum. Sabohi Muhammadiy va Ahmadiy va Sulton Junayd va Abdulaziz va Muhammad Ali Jang Jang va Qutluq Qadam va bir necha ichki beglarga farmon bo‘ldi kim ichkari kirib xazonalari va bo‘lg‘on jihotlarni zabt qilg‘oylar. El qo‘rg‘oni-eshikida bisyor g‘uluv qiladurlar edi. Siyosat uchun bir necha o‘q ottim. Biyakbor tir-i qazo o‘qi Humoyunning qissaxonig‘a yetkach o‘q jon taslim qildi. Ikki kecha ushul balandida voqe’ bo‘lub dushanba kuni qo‘rg‘ong‘a kirib sayr qilib G‘oziy Xonning kitobxonasig‘a keldim. Bir necha nafis kitoblar chiqti. Bir nechasini Humoyung‘a berib, bir nechasini Komrong‘a yibordim.