Baburname

Demir Barlas

Page 515 · 258b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 258b
Choose languages

Page 515 of 762

Latin transcription

va loda mardak bo‘lg‘oymu kim ishi bu yerga yetib hanuz ta’allul qilur! Ilgarirak kelturdilar.

Languages

Chagatay

و لاده مردک بولغایمو کیم ایشی بو یرکا یتیب هنوز تعلل قیلور ایلکاریراک کیلتیردیلار

Turkish

ve ahmak bir adam olur mu ki işi bu noktaya gelmişken hâlâ ayak sürüsün! Daha ileri getirdiler.

English

Not yet available.

Latin transcription

Buyurdum kim qilichlarni bo‘ynidin oldilar. Ko‘rushur vaqt yukungurka ta’axxur qilodur.

Languages

Chagatay

بویوردوم کیم قیلیچ لارنی بوینیدین آلدیلار کوروشور وقت یوکونورکه تاخر قیلادور

Turkish

Buyurdum, kılıçları boynundan aldılar. Görüşme sırasında eğilip selam vermekte gecikiyor.

English

Not yet available.

Latin transcription

Buyurdum kim oyog‘ini tortib yukundurdilar. Ilgari olturg‘uzub Hindustoniy bilgun bir kishiga buyurdum kim: «Bu so‘zlarni birar-birar anga xotirnishon qila aytqil. Mun-doq degil kim men seni ota dedim. Ta’zim va ehtiromingni ul tariq kim sening xotiring tilar edi, andin yaxshiroq qildim. O‘zungni va o‘g‘lonlaringni Balujlarning darbadarliqlaridin qutqordim. Xaylxonalaringni va haramlaringni Ibrohimning bandxonasidin xalos qildim. Uch karur Totor Xonning viloyatini sanga inoyat qildim. Sening haqqingda yomon bordim-mu kim bu [saqing/shiqing?] bila belingga iki qilich bog‘lab cherik tortib bizning viloyatlarning ustiga kelib mundoq sho‘r va fitna solur sen?» Qori mabhut mardak bir-iki so‘z og‘zida-o‘q po‘ypodi. Muqobalada ham demadi. Mundoq muskit so‘zlarga ne deya ham olg‘oy

Languages

Chagatay

بویوردوم کیم آیاغینی تارتیب یوکوندوردیلار ایلکاری اولتورغوزوب هندوستانی بیلکون بیر کیشی که بویوردوم کیم بو سوزلارنی بیرار بیرار انکا خاطر نشان قیلا ایتقیل مون داق دیگل کیم مین سینی آتا دیدیم تعظیم و احترامینکنی اول طریق کیم سینینک خاطرینک تیلار ایدی اندین یخشیراق قیلدیم اوزونکنی و اوغلان لارینکنی بلوج لارنینک دربدرلیق لاری دین قوتقاردیم خیلخانه لارینکنی و حرملارینکنی ابراهیم نینک بندخانه سیدین خلاص قیلدیم اوچ کرور تاتار خان نینک ولایتینی سینکا عنایت قیلدیم سینینک حقینکدا یامان باردیم مو کیم بو [سقینک؟] بیله بیلینککه ایکی قیلیچ باغلاب چریک تارتیب بیزنینک ولایت لارنینک اوستیکه کیلیب مونداق شور و فتنه سالور سین قاری مبهوت مردک بیر ایکی سوز آغزیده اوق پویپادی مقابله ده هم دیمادی مونداق مسکت سوزلارکا نی دی هم آلغای

Turkish

Buyurdum, ayağını çekerek eğdirdiler. Önüme oturtup Hintçe bilen birine buyurdum: “Bu sözleri birer birer iyice anlamasını sağlayarak ona söyle. Şöy-le de: Ben sana baba dedim. Sana gönlünün istediğinden daha fazla saygı gösterdim. Seni ve oğullarını Beluçlar arasında kapı kapı dolaşmaktan kurtardım. Aileni ve haremindekileri İbrahim’in zindanından serbest bıraktım. Tatar Han’ın üç kürûr gelirli vilayetini sana bağışladım. Sana kötülük mü ettim ki bu [donanımınla?] beline iki kılıç bağlayıp asker çekerek bizim vilayetlerimizin üzerine gelip böyle karışıklık ve fitne çıkarıyorsun?” Şaşkına dönen ihtiyar adam ağzında bir iki söz geveledi. Karşılık da veremedi. Böyle susturucu sözlere ne diyebilirdi

English

Not yet available.