✺Baburname

Dehli va Agra tarafni o‘zlarig‘a olurlar. Ismoil Jalvoniy va ba’zi umaro kelib Olim Xonni ko‘rar-lar. Be-tavaqquf Dehli sori bor ko‘ch tebrarlar. Indrig‘a yetkanda Sulaymon Shayxzoda ham kelib ko‘rar. Bularning jam’iyati o‘ttuz-qirq mingga tortar. Kelib Dehlini qobarlar, urush ham sola olmaslar, qo‘rg‘on eliga tanqis ham bera olmaslar. Sulton Ibrohim bularning jam’iyatidin ustiga cherik otlanur. Yovuqroq [kenar:511.m1] xabar topib, bular qo‘rg‘on ustidin qo‘pub muqobalag‘a yururlar. So‘zni munga qo‘yarlar kim: «Agar kunduz urushsaq, Afg‘on biri-biri nomusdin qochmaslar. Agar shabixun borsaq, qorong‘u kechada kishi kishini ko‘rmas, boshliq boshig‘a bo‘lurlar», deb olti kuro‘h yerdin shabixun kelurlar. Iki qatla shabixung‘a kun tushta otlanib

iki pos, uch posqacha ot ustida-o‘q turub, ne keyin yonib, ne ilgari yurub so‘zni bir yerga qo‘ya olmay, uchunchisida kechaning bir bahri qola shabixun kela-lar. Bularning shabixuni chodirg‘a va o‘toqqa o‘t qo‘ymoq emish. Kelib bir bosh-din o‘t qo‘yub sho‘r solurlar. Jalol Xon va Jagat va ba’zi umaro kelib Olim Xonni ko‘rarlar. Sulton Ibrohim o‘z saropardasidin-o‘q bir necha xos xayli bila tebranmas.

Mungacha tong otar. Olim Xonning bo‘lg‘on kishisi el tolomoqqa va o‘lja olmoqqa mashg‘ul bo‘lurlar. Sulton Ibrohimning cherigi ko‘rar kim bularning kishisi asru ozdur. Ush andin bir ozroq favj bir fil bila bular sori mutavajjih bo‘lur. Fil ilgarirak yurugach bular to‘xta-olmaslar, qocharlar. Ush andin qochqon bila Olim Xon Miyon Du Ob sori kechib Ponipat navohisidin yana Ponipat sori o‘tarlar. Indrig‘a yetgan mahalda bir bahona qilib Miyon Sulaymondin uch-to‘rt lak olib qo‘yarlar. Ismoil Jalvoniy, Olim Xonning ulug‘ o‘g‘li Jalol Xon bulardin ayrilib Miyon Du Ob sori o‘zlarini tortarlar. Olim Xong‘a yig‘ilg‘on cherigdin bir porasi misli Sayfiy Xon, Daryo Xon, Mahmud Xon Xoni Jahon va Shayx Jamol