✺Baburname

o‘q chiqar. Filbonlar ilgarirak yurugan bila kark ro‘baro‘ kelmas, o‘zga sori qochar.

Ul kun kim Bagromda turuldi, bazi beglarni va ichkilarni baxshilar va devonlar bila olti yeti sarkor qilib Nilob guzarida kemalar ustiga tayin qilildi kim jami cherik elini nom ba-nom bitib sonlarin olg‘oylar. Oqshomi larzanda bo‘lub isittim. Bu larzanda yo‘talg‘a torti. Har yo‘talg‘onda qon tukurar edim. Xayli tavahhum bo‘ldi. Alhamdulilloh ikki uch kundin so‘ng bartaraf bo‘ldi. Bagromdin ko‘chub yomg‘ur yog‘durub Kobul suyi yoqasig‘a tushuldi.

Hindustondin xabar keldi kim Davlat Xon va G‘oziy Xon yigirma o‘tuz ming cherik yig‘ib Kalonurni oldi, Lohur ustiga kelmakchidur. Mumin Ali Tavochini gado‘g‘a bila chopturuldi kim biz ko‘ch-ba-ko‘ch mutavajjihdurbiz, biz yetkuncha urushqunchi bo‘lmasunlar. Iki qo‘nub panjshanba kuni oyning yigirma sekizida Sind yoqasig‘a tushtuq. Shanba kuni Rabiul-avval oyining g‘urrasida Sind suyi kechib Kechako‘t suyidin o‘tub daryo yoqasida tushuldi.

Kemalar ustiga qo‘yg‘on beglar va baxshilar va devonlar cherikka kelgan elning soni arzg‘a yetkurdilar. Ulug‘ kichik yaxshi yamon navkar va g‘ayr-i navkar o‘n ikki ming kishi qalamg‘a kelibtur. Bu yil tuzda pashkol oz bo‘lg‘ondur. Tog‘ domanasidag‘i viloyatlarda pashkol yaxshi bo‘lg‘ondur. Oshliq maslahatidin tog‘ domanasi bila Siyol Ko‘t yo‘li bila mutavajjih bo‘lduq. Hotiy Kakarning viloyatlari to‘g‘ri yetkanda bir rudta har yerda qalin sular turubtur. Bu sular tamom yax bog‘labtur. Agarchi xayli qalin emas, bir elikcha qalin-liqi bo‘lg‘oy, Hinduston viloyatida bu nav yax g‘aribtur. Yaxni ushanda-o‘q ko‘ruldi. Bir necha yil kim viloyatda eduk, qor va yaxdin osor-u alomat ko‘rulmadi. Sinddin besh ko‘ch ko‘chub