Baburname

Demir Barlas

Page 495 · 248b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 248b
Choose languages

Page 495 of 762

Latin transcription

edi, itmomig‘a yetti. Seshanba kuni oyning yigirma yettisida arkda suhbat edi. Bu suhbatta andoq farmon bo‘ldi kim suhbatdin har kishi mast bo‘lub chiqsa ul kishini suhbatqa tilamagaylar. Odina kuni Zil-hijja oyning salxida Lamg‘on sayri azimati bila otlandilar.

Languages

Chagatay

ایدی اتمامیغه ییتی سیشنبه کونی آی نینک یکرمه ییتیسیده ارکده صحبت ایدی بو صحبتته انداق فرمان بولدی کیم صحبت تین هر کیشی مست بولوب چیقسه اول کیشی نی صحبتقه تیلاماکایلار آدینه کونی ذی الحجه آی نینک سلخیده لمغان سیری عزیمتی بیله آتلاندیلار

Turkish

tamamlandı. Salı günü, ayın yirmi yedisinde iç kalede meclis vardı. Bu mecliste şöyle buyuruldu: Meclisten sarhoş çıkacak kişi bir daha meclise çağrılmasın. Cuma günü, Zilhicce ayının son gününde Lemgan gezisi niyetiyle ata binildi.

English

Not yet available.

Latin transcription

Shanba kuni Muharram oyning g‘urrasida Xoja Sayoron kelildi. Pushta ustida yangi ariq kim chiqarilib edi, yoqasida shurb majlisi bo‘ldi. Saboh otlanib ma’jun yeb borib Bilkarg‘a tushtuk. Ul kim axshom ichilgay, sabohi sabuhiy qilduk. Namoz-i peshin borib Durnomag‘a tushuldi.

Languages

Chagatay

شنبه کونی محرم آی نینک غره سیده خواجه سیاران کیلیلدی پشته اوستیده یانکی اریق کیم چیقاریلیب ایدی یاقاسیدا شرب مجلسی بولدی صباح آتلانیب معجون ییب باریب بیلکرغه توشتوک اول کیم اخشام ایچیلکای صباحی صبوحی قیلدوک نماز پیشین باریب درنامه غه توشولدی

Turkish

Cumartesi günü, Muharrem ayının ilk gününde Hoca Seyaran’a gelindi. Tepe üzerine yeni açtırılmış arığın kıyısında içki meclisi kuruldu. Sabah ata binip macun yiyerek Bilker’e gidip konduk. Nasıl ki akşam içilmişse, sabah da sabah içkisi içtik. Öğle namazında gidip Durname’ye konuldu.

English

Not yet available.

Latin transcription

Shurb majlisi bo‘ldi. Erta sabuhiy qilduk. Haqdod Durnomaning ulug‘i bog‘ini peshkash qildi. Panjshanba otlanib Nijrovda tojiklar kentig‘a tushuldi. Odina kuni Chihil Kulba bila Boron suyining orosida tog‘ini ovladuk. Xeyli kiyik tushti. Iligim ozorda bo‘lg‘oli o‘q otmaydur edim. Bir narmdek noy [?] bila bir kiyikning qo‘ltug‘ig‘a ottim. O‘q parhonasining yarimig‘a kirdi. Namoz-i digar ovdin yonib Nijrovg‘a kelduk. Tonglasi Nijrov eli peshkashini oltmish oltung‘a qaror berdi. Dushanba kuni Lamg‘on sayri azimatig‘a otlandi.

Languages

Chagatay

شرب مجلسی بولدی ایرته صبوحی قیلدوک حق داد درنامه نینک اولوغی باغینی پیشکش قیلدی پنجشنبه آتلانیب نجر اودا تاجک لار کینتی غه توشولدی آدینه کونی چهل کلبه بیله باران سوی نینک آراسیدا تاغینی آولادوک خیلی کییک توشتی ایلیکیم آزارده بولغالی اوق آتمایدور ایدیم بر نرم دیک نای بیله بر کییک نینک قولتوغیغه آتتیم اوق پرهانه سینینک یاریمیغه کیردی نماز دیگر آودین یانیب نجر اوغه کیلدوق تانکلاسی نجراو ایلی پیشکشی نی آلتمیش آلتونغه قرار بیردی دوشنبه کونی لمغان سیری عزیمتیغه آتلاندی

Turkish

İçki meclisi kuruldu. Ertesi sabah sabah içkisi içtik. Durname’nin ileri geleni Hakdad bağını armağan etti. Perşembe ata binilip Nicrav’da Taciklerin köyüne konuldu. Cuma günü Çihil Kulbe ile Baran suyu arasındaki dağı avladık. Epey geyik avlandı. Elim rahatsız olalı ok atmıyordum. Kolay çekilen bir yayla bir geyiğin koltuğuna attım. Ok tüyünün yarısına kadar girdi. İkindi namazında avdan dönüp Nicrav’a geldik. Ertesi gün Nicrav halkının sunacağı armağan altmış altın olarak kararlaştırıldı. Pazartesi günü Lemgan gezisi niyetiyle ata binildi.

English

Not yet available.