✺Baburname

Ato Miroxo‘rning uyi ul oroda ekandur. Uyg‘ong‘uncha pishurub bir ko‘za chog‘ir hozir qilibtur. Xeyli yaxshi xazon edi. Bir necha piyola ichib otlanduk. Namoz-i peshin Istarg‘achta bir yaxshi xazonliq bog‘da tushub suhbat tutuldi. Bir lahzadin so‘ng Xoja Muhammad Amin keldi.

Namoz-i xuftang‘acha ichildi. Ul kuni va axshomi Kobuldin Abdulloh Asas, Nur Beg, Yusuf Ali keldilar. Sabohi osh yeb otlanib Istarg‘achning ayog‘idoqi podshohiy bog‘ni sayr qildi.

Bir olma niholi yaxshi xazon bo‘lub edi. Har qaysi shoxida besh olti barg siyoq bila qolib edilar, andoq kim agar naqqoshlar takalluf bila tortsalar ancha torta olmag‘ay edilar. Istarg‘achdin otlanib Xoja Hasanda osh yeb namoz-i shom Behzodiy kelib Xoja Muhammad Aminning Imom Muhammad otliq navkarining uyiga chog‘ir ichildi. Tonglasi seshanba kuni Kobul, Chorbog‘g‘a kelildi.

Panjshanba kuni oyning yigirma uchida ko‘chub qal’ag‘a kirildi. Odina kuni Muhammad Ali Haydar Rikobdor bir tuyg‘un tutub kelturub tortti. Shanba kuni oyning yigirma beshida Chorbog‘da suhbat edi. Namoz-i xuftan otlandi. Sayyid Qosimning o‘tgan voqeadin infi’oli bor edi. Kelurda aning uyiga tushub bir necha ayog‘ ichildi. Panjshanba kuni Zil-hijja oyining g‘urrasida Qandahordin Tojiddin Mahmud kelib mulozamat qildi. Dushanba kuni oyning o‘n to‘qquzida Muhammad Ali Jang Jang Nilobdin keldi. Seshanba kuni Sangar Xon Janjuha Bihradin kelib mulozamat qildi. Odina kuni oyning yigirma uchida Alisher Beg-ning to‘rt devonidin buhur-i avzon tartibi bila g‘azallar va abyot kim intixob qililadur