✺Baburname

yakshanba kuni oyning o‘n to‘rtida ozroqcha nima bitidim. Tonglasi Xiriljiy Samu Xayl boshliq afg‘onlarning ulug‘lari keldilar. Dilazokning ulug‘lari bu jamoatning yozuqlarini mubolag‘alar bila darxost qildilar. Gunohlarin bag‘ishlab asirlarini ozod qilduk.

Mollarini to‘rt ming qo‘yg‘a qaror berib ulug‘larg‘a to‘nlar keydurub muhassildorlar ta’yin qilib yiborildi. Bu ishlarga qaror berib panjshanba kuni oyning o‘n sakkizida ko‘chub Bahor va Panj Giromg‘a tushub tonglasi Bog‘-i Vafog‘a kelildi. Bog‘-i Vafoning xubluq mahallari edi. Sahn-lari tamom sabargazor, anor diraxtlari sapsorig‘ xushrang xazon bo‘luptur. Anorlar diraxtlarda qipqizil, noranj diraxtlari sabz-u xurram, noranjilar diraxtlarda be-nihoyat, vale noranjilar xotirxoh sorg‘ormaydur edi.

Anorlari yaxshi anorlar, agarchi viloyatlarning yaxshi anoricha emas edi. Bog‘-i Vafodin bir yaxshi mahzuz kim bo‘lduk, bu navbat edi. Bu uch to‘rt kun kim bu bog‘da eduk, bori o‘rdu eli ifrot bila anor yedilar. Dushanba kuni bog‘din ko‘chtuk. Men bir bahorg‘a-cha turub ba’zi noranjilarni oldurdum. Shoh Hasang‘a ikki diraxtning noranji in’om bo‘ldi. Ba’zi beglarga bir diraxt noranji, ba’zilarig‘a ikki kishiga bir diraxt noranji in’om bo‘ldi. Chun qish Lag‘mon sayri qilur xayoli bor edi, havzning atrofida yigirmacha noranji diraxtini buyurdum kim qo‘rug‘oylar. Bu kun Gandamakka tushub tonglasi Jadlakka tushuldi.