✺Baburname

Hindu Beg Qo‘chin va Xost mirzodalari keyindin bu manzilda keldilar. Bu kun ma’jun yeyildi. Darvesh Muhammad Sorbon, Muhammadiy Ko‘kaldosh, Gadoyi Tag‘oyi, Asas edi.

So‘ngra Shoh Hasanni ham tiladuk. Osh tortqondin so‘ng namoz-i digar jolag‘a kirduk.

Langar Xon Niyoziyni ham jolag‘a chorladuk. Namoz-i shomda joladin chiqib o‘rdug‘a kelildi.

Ushul qaror bila su yoqasidin sahar ko‘chub Jomdin o‘tub Ali Masjid suyining chiqishida tushuldi. Abu-l-Hoshim Sulton Ali kim keyindin kelib edi, dedi kim: «Arafa kechasi Juy-i Shohidin Badaxshondin kelgan kishi bila Jamruddin o‘tub edim.

Ul dedi kim: “Sulton Sa’id Xon jazm Badaxshon ustiga keldi”. Men podshohqa xabar qila keladurmen». Beglarni chorlab mashvarat qilib bovujud bu xabar qo‘rg‘on yosamoqning maslahatini topmay Badaxshon azimati bila muroja’at qilildi. Langar Xong‘a xil’at berib Muhammad Ali Jang Jangka ko‘mak ta’yin qilib ruxsat berildi. Ul axshom Xoja Muhammad Alining chodirida chog‘ir majlisi edi. Erta bila bu yerdin ko‘chub Xaybar ko‘talidin oshib ko‘tal tupig‘a tushuldi. Xizr Xayldin ko‘p noshoyist harakatlar zohir bo‘lub edi. Cherik borurda keyindin qolg‘on, yoqag‘a tushgan cherik eliga o‘qlar qo‘yub otlarini elturlar edi. Alarg‘a ta’dibe qilmoq va go‘shmole bermak