✺Baburname

Rahm aylabon sog‘inmadi Boburni, bor umid: Solg‘oy Xudoy rahmni po‘lod ko‘ngliga.

Odina kuni oyning o‘n yetisida Shoh Mazid Ko‘kaldosh Muhammad Zamon Mirzo qoshidin tasadduq va peshkash ot kelturub mulozamat qildi. Ushbu kun Shoh Begning elchisi Abu Muslim Ko‘kaldoshqa xil’at keydurub in’om qilib ruxsat berildi. Xoja Muhammad Ali bila Tengri Berdiga ham viloyat-larig‘a Xust bila Andarobqa bormoqqa ushbu kun ruxsat bo‘ldi. Panjshanba kuni oyning yigirmasida Muhammad Ali Jang Jang kim Kecha Kut va Qorluq navohisida qo‘yub ul viloyat-larni anga uhda qililib edi, Mirzo-yi Malaviy Qorluqning o‘g‘li Shoh Husayn, yana Hotiyning kishisi ham bila keldilar. Ushbu kun Mullo Ali Xon kim Samarqandg‘a ko‘chini kelturgali borib edi, kelib mulozamat qildi. Abdurrahmoniy Afg‘on Gardiz sarhaddida oltururlar edi. Mol-u muomalada royij emas edilar. Borur kelur korvoniylar ham bulardin mutazarrir edilar.

Chahorshanba kuni Rajab oyining yigirma to‘qquzida bu Afg‘onlarni chopa otlanildi. Tang-i Vag‘chon navohisida tushub osh yeb kech namoz-i peshin andin otlanduq. Kechasi yo‘l oziqib Ponjob Shihnaning sharq-janubi sori pushtalarda va dashtlarda xeyli sargardon-liq tortildi. Muddattin so‘ngra yo‘lg‘a [yopish ti?] qulidin farz vaqtida tuzga chiqib chopqun yibarildi. Bir bo‘lak cherig eli Karmos tog‘i sorig‘a kim Gardizning sharq-janubidur, chopqun bordilar. Ul chopqunchining orqasig‘a Xusrav, Mirzo Quli va Sayyid Ali boshlig‘ g‘ulning o‘ng qo‘lini yibarildi. Ko‘prak cherig eli Gardizning sharqiy tarafi jo‘lga yuqori boqa chopqun bordilar. Bu chopqunchining orqasig‘a Sayyid Qosim Eshik Og‘o, Mir Shoh Qo‘chin, Qayyom,