Baburname

Demir Barlas

Page 469 · 235b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 235b
Choose languages

Page 469 of 762

Latin transcription

Shanba kuni oyning yigirma uchida bu gird suffaning ustiga chanor niholi va tol niholi darham tikildi. Namoz-i peshin chog‘ir suhbati bo‘ldi. Sahari ushbu yangi gird suffaning ustida sabuhi qilduq. Tush-din so‘ngra otlanib Kobulg‘a mutavajjih bo‘lduq. Xoja Hasang‘a kala mastlig‘da yetib lahza uyqu-laduq. Xoja Hasandin otlanib yarim kecha chorbog‘qa kelildi. Xoja Hasanda mastliq holatida Abdulloh to‘n ofrog‘i bila o‘zini sug‘a soldi. Otlang‘onda kechrak bo‘la sovuqqa to‘ngub kela olmay kechasi Qutluq Xojaning tuyulda bo‘lub tonglasi o‘tgan kunning be-e’tido-lig‘idin mutanabbih bo‘lub toyib keldi. Men dedim: «Filhol ul nav’ tavba muyassar bo‘lg‘oy yo yo‘q? Bori filhol mundoq tavba qil kim mening suhbatimdin o‘zga yerda ichmagay sen». Qabul qildi.

Languages

Chagatay

شنبه کونی آی نینک یکیرمه اوچیده بو کرد صفه نینک اوستیکه چنار نهالی و تال نهالی درهم تیکیلدی نماز پیشین چاغیر صحبتی بولدی سحری اوشبو ینکی کرد صفه نینک اوستیده صبوحی قیلدوق توش دین سونکرا آتلانیب کابلغه متوجه بولدوق خواجه حسن غه کله مستلیغدا یتیب لحظه اویقو لادوق خواجه حسن دین آتلانیب یاریم کیچه چارباغقه کیلیلدی خواجه حسن دا مستلیق حالتیدا عبد الله تون اوفراغی بیله اوزینی سوغه سالدی آتلانغاندا کیچراک بولا ساووققه تونکوب کیله آلمای کیچه سی قتلوق خواجه نینک تیولدا بولوب تانکلاسی اوتکان کون نینک بی اعتدا لیغیدین متنبه بولوب تایب کیلدی مین دیدیم فی الحال اول نوع توبه میسر بولغای یا یوق باری فی الحال مونده ق توبه قیل کیم مینینک صحبتیمدین اوزکه یرده ایچماکای سین قبول قیلدی

Turkish

Cumartesi, ayın yirmi üçünde bu yuvarlak setin üzerine çınar ve söğüt fidanları karışık dikildi. Öğle vaktinde şarap meclisi kuruldu. Seherde bu yeni yuvarlak setin üzerinde sabah içkisi içtik. Öğle-den sonra atlanıp Kâbil’e yöneldik. Hoca Hasan’a iyice sarhoş varıp biraz uyu-duk. Hoca Hasan’dan atlanıp gece yarısı Çarbağ’a geldik. Hoca Hasan’da sarhoşken Abdullah üstündeki giysilerle kendisini suya attı. Yola çıkarken vakit geç olduğundan soğukta donup gelemedi; gece Kutluk Hoca’nın tuyulunda kaldı. Ertesi gün önceki günün aşırılı-ğından ders alıp tövbekâr geldi. Dedim ki: “Hemen öyle bir tövbe mümkün olur mu, olmaz mı? Bari şimdilik şöyle tövbe et: Benim meclisim dışında içmeyeceksin.” Kabul etti.

English

Not yet available.

Latin transcription

Bir necha oy bu qoidani mar’iy tutti. O‘zga bo‘ldura olmadi. Dushanba kuni oyning yigirma beshida Hindu Beg kim Bihra va ul viloyatlarda... Sulh va isloh so‘zlarig‘a quloq solmay bizni va so‘zlarimizni ko‘zga ilmay, quloqqa olmay, biz yong‘och o‘q qalin Afg‘on va Hindustoniy yig‘ib Hindu Begning ustiga Bihraga yurudi. Yerlik el ham Afg‘onlar sori evruldi.

Languages

Chagatay

بر نیچه آی بو قاعده نی مرعی توتتی اوزکه بولدوره آلمادی دوشنبه کونی آی نینک یکیرمه بیشیده هندو بیک کیم بهره و اول ولایت لاردا صلح و اصلاح سوزلاریغه قولاق سالمای بیزنی و سوزلاریمیزنی کوزکه ایلمای قولاققه آلمای بیز یانکاچ اوق قالین افغان و هندوستانی ییغیب هندو بیک نینک اوستیکه بهره که یورودی یرلیک ایل هم افغانلار ساری ایورولدی

Turkish

Birkaç ay bu kurala uydu. Daha fazla sürdüremedi. Pazartesi, ayın yirmi beşinde Bihre ve o vilayetlerdeki Hindu Beg... Barış ve uzlaşma sözlerine kulak vermeyip bizi ve sözlerimizi önemsemeyerek, kulak asmayarak biz döner dönmez çok sayıda Afgan ve Hintliyi toplayıp Hindu Beg’in üzerine Bihre’ye yürüdü. Yerli halk da Afganlardan yana döndü.

English

Not yet available.

Latin transcription

Hindu Beg Bihrada tura olmay Xushob kelib, Dinkut viloyatining orasi bila Nilob kelib Kobulg‘a keldi. Deva Hindu va Siktuning o‘g‘li va yana bir Hindu kim Bihradin band qilib kelturub edi, muhimlarini birar nima berib qat’ qildilar. Bu Hindularg‘a otlar, bosh oyoqlar in’om qilib ruxsat berildi. Odina kuni oyning yigirma to‘qquzida badanimda isitma harorati zohir bo‘ldi. Fasd qildim. Kun olush, gohi ikki kun osha, gohi uch kun osha isitur edim. Har isitqonda g‘arq-g‘arq bo‘lmag‘uncha isitma qo‘ymas edi. O‘n o‘n ikki kundin keyin Mullo Xojaka mamzuj chog‘irni nargis bila berdi.

Languages

Chagatay

هندو بیک بهره ده تورا آلمای خوشاب کیلیب دینکوت ولایتینینک آراسی بیله نیلاب کیلیب کابلغه کیلدی دیوه هندو و سکتو نینک اوغلی و ینه بر هندو کیم بهره دین بند قیلیب کیلتوروب ایدی مهم لارینی برار نیمه بیریب قطع قیلدیلار بو هندولارغه آتلار باش ایاقلار انعام قیلیب رخصت بیریلدی آدینه کونی آی نینک یکیرمه توققوزیده بدنیمده ایسیتمه حرارتی ظاهر بولدی فصد قیلدیم کون آلوش کاهی ایکی کون آشا کاهی اوچ کون آشا ایسیتور ایدیم هر ایسیتقاندا غرق غرق بولماغونچه ایسیتمه قویمای ایدی اون اون ایکی کوندین کین ملا خواجه که ممزوج چاغیرنی نرکس بیله بیردی

Turkish

Hindu Beg Bihre’de tutunamayarak Huşab’a geldi; Dinkut vilayetinden geçip Nilab’a, oradan Kâbil’e geldi. Bihre’den tutsak olarak getirdiği Deva Hindu, Siktu’nun oğlu ve başka bir Hintli, bir şeyler vererek işlerini sonuçlandırdılar. Bu Hintlilere atlar ve baştan ayağa giysiler bağışlanıp izin verildi. Cuma, ayın yirmi dokuzunda bedenimde ateş belirdi. Kan aldırdım. Gün aşırı, bazen iki, bazen üç gün arayla ateşleniyordum. Her ateşlendiğimde sırılsıklam terlemeden ateş bırakmıyordu. On on iki gün sonra Molla Hâceke, sulandırılmış şarabı nergisle verdi.

English

Not yet available.