✺Baburname

Olturg‘oli Bog‘-i Xilvat ta’yin bo‘ldi. Ul bog‘da tushgandin so‘ng men borib ko‘rdum.

Chun egachi edilar, ta’zim va ehtiromlari jihatidin yukundum. Alar ham yukundilar. Yurub orada ko‘rushuldi. So‘ngralar doim bu qoidani mar’iy tutarlar edi. Yakshanba kuni oyning o‘n yettisida Bobo Shayx haromnamakni kim xayli muddat edi bandda edi, gunohin afv qilib bandtin chiqorib xil’at in’om bo‘ldi. Seshanba kuni oyning o‘n to‘qquzida tush qotila Xoja Sayoron sayrig‘a otlanildi. Bu kun ro‘za edim. Yusuf Ali va alar taajjub qilib dedilar kim: «Seshanba kuni va siz va ro‘za? Bu g‘aribtur». Behzodig‘a kelib qozisining uyiga tushuldi. Kechasi suhbat angizi bo‘ldi. Qozi arzg‘a yetkurdi kim: «Mening uyumda mundoqlar bo‘lg‘on emas. Podshoh hokimdurlar». Bovujud kim majlis asbobi muhayyo bo‘ldi ersa dog‘i, qozining istirzo-yi xotiri uchun

ichku bartaraf bo‘ldi. Chahorshanba kuni Xoja Sayorong‘a borildi. Panjshanba kuni oyning yigirma birida bog‘ solg‘on tog‘ning tumshug‘ida ulug‘ gird suffa soldurduq. Odina kuni ko‘pruk din jola olturduq. Sayyodlarning uylarining to‘g‘risig‘a yetganda sayyodlar bir dik degan qushni tutub ekandurlar, kelturdilar. Mundin burun dikni ko‘rulgan emas edi. G‘arib hay’atliq qushtur. Sharhi Hinduston hayvonoti zikr qilg‘onda kelgusidur.