✺Baburname

Ilgarirak Hinduston ko‘h domanasida Sunbul daraxti bisyor bo‘ladur. Ulug‘ bo‘ladur.

Hindustonning hayvonot-u nabototini zikr qilg‘anda mazkur bo‘lg‘usidur. Bu yurttin naqqora vaqti ko‘chub chosht bo‘la Sangdoki ko‘talining tubig‘a tushub namoz-i peshin andin ko‘chub ko‘taldin va rudtin o‘tub bir balandiga tushuldi. Andin yarim kecha ko‘chub Behra borurda o‘tkan guzarni sayr qila borilib edi. Ushul o‘tkan guzarda bir ulug‘ oshliq jola loylabtur. Ilgari har necha qilib jolani teprata olmaydurlar. Bu oshliqni olib bizning bila bo‘lg‘onlarg‘a ulashildi. Asru dar-mahall oshliq edi. Tushka yovuq kelib Kobul suyi bila Sind suyining qotilishidin quyiroq ko‘hna Nilobdin yuqorroq iki suning orasig‘a tushuldi. Nilobdin olti kema kelturub barang‘or, javong‘or,

g‘o‘lg‘a qismat qilildi. Bi-jidd su o‘tkali mashg‘ul bo‘ldilar. Biz kelgan dushanba kuni seshanba oqshomi, seshanba kuni va chahorshanba kuni su kecha qoldilar. Panjshanba kuni ham ozog‘loq kishi su kechti. Hotining Parpat otlig‘ urug‘ini kim Andirona navohisidin Muhammad Ali Jang Jangning navkarini qo‘shub Hotig‘a yiborilib edi, su yoqasida kelib Hotidin bir kechim-lik ot peshkash kelturdi. Nilob eli ham bir kechimlik ot peshkash kelturub mulozamat qildilar. Muhammad Ali Jang Jangning Behrada turmoq havasi bor edi. Behra chun Hindu Begga inoyat bo‘ldi, Behra bila Sind daryosining orasidag‘i viloyatlarni, misl-i Qorluq, Hazora va Hoti va G‘iyos va Ol va Kib, Muhammad Ali Jang Jangg‘a inoyat bo‘ldi. Raiyyatliqqa bo‘yun