✺Baburname

Bu Andirona qurg‘oni Malik Hastning otosig‘a qadimdin ta’alluq egandur. Hotiy Kekar Malik Hastning otosini o‘lturgandin so‘ng buzulubtur. Ul fursatta buzuq edi. Ushbu namoz-i xuftan Kalda Kahordin ayrilg‘on ordu kishisi kelib qo‘shuldi. Hotiy Totorni olg‘onda Parpat otliq urug‘ini kichimlik ot va peshkash bila manga yiboribtur. Uchramay keyin qolg‘on ordu eliga yo‘luqub uruq bila bila kelib peshkashlarini tortib mulozamat qildi. Langar Xon kim ba’zi muhimlar uchun Behradin keyin qolg‘on uruq bila kelib edi, muhimlarini rost qilib ba’zi yerlik el bila Behraga ruxsat berildi. Dog‘i ko‘chub Suhon suyi-din o‘tub bir pushta ustiga tushuldi. Hotiyning urug‘i Parpatqa xil’at kiydurub

Hotiyg‘a istimolat farmonlar bitib Muhammad Ali Jang Jangning navkarini yiborildi.

Bobo Do‘st, Halohil boshliq Humoyunning necha navkari Nilobqa, Qorluq hazorasig‘a kim Humoyung‘a berilib edi, dorug‘aliqqa kelib edi. Sangar Qorluq va Mirzo Malviy Qorluq boshliq o‘tuz qirqcha kishi Qorluq ulug‘larini olib keldilar. Bir kichimlik ot peshkash qilib mulozamat qildilar. Dilazok Afg‘onning ham cherigi keldi. Ertasi andin ko‘chub ikki shar’iy kelib tushuldi. Bir balandlig‘a chiqib orduni mulohaza qilib buyurduk kim ordu tevasini sanag‘aylar. Besh yuz yetmish teva chiqti. Sunbul daraxtining ta’rifi eshitilib edi. Bu yurtta ko‘rduk. Bu tog‘ domanasida Sunbul daraxti ozraqtur. Birar birar bo‘ladur.