✺Baburname

yakandoz jardur. Ilgarirak javong‘or kishi tangilardin o‘tub darvozag‘a tiqilib bordi.

Hotiy o‘tuz qirqcha otliq jibalig kichimlig kishi bila qalin yayog‘i bila chopqunchini yondu-rub soldi. Do‘st Beg kim chopqunchining orqasig‘a ko‘mak edi, yetishib yaxshi zo‘rlab ko‘p kishisin tushurub yog‘ini bosti. Hotiy Kekar ul aroda mardonaliq bila mashhurdur. Har necha jadal qildi, bo‘ldurolmadi, qochti. Chun bu tangilarda to‘xtoy olmadi, qurg‘onig‘a yetkach qurg‘onini ham berkitolmadi. Chopqunchi keyinicha oq qurg‘ong‘a kirdilar.

Bu Pirola qurg‘onining tangisi va jaridin g‘arb shimoliy soridin yugurdilar. Hotiy jarida qochib chiqti. Munda ham Do‘st Beg yaxshi bordi. Juldu [?] Do‘st Begning otig‘a bo‘ldi. Men o‘shul zamon Pirola qurg‘onig‘a kirib Totorning uylarig‘a tushtum. Chopqun qo‘yor mahalda mening bila turorg‘a muqarrar bo‘lg‘on kishilardin ba’zi chopqung‘a borib edilar. Ul jumladin Amin Muhammad Tarxon Arg‘unni va Qarochani bu jurmona jihatidin Surpo [?] otliq Gujarni boshchi qo‘shub orduning utrusig‘a besar-u po sahro va biyobong‘a yiborildi. Tonglasig‘a g‘arb shimoliy jardin o‘tub xavidzorg‘a tushuldi. Valiy Xazonachig‘a bir necha obdon yigitni qo‘shub ordu olg‘a yiborildi.

Panjshanba kuni oyning o‘n beshida ko‘chub Andironag‘a kim Suhon suyining yoqasidadur, tushuldi.