✺Baburname

Bir sarkor Xalifag‘a ta’yin bo‘ldi, yana bir sarkor Qo‘ch Begga, yana bir sarkor Do‘st Nosirg‘a, yana bir sarkor Sayyid Qosim bila Muhibb Alig‘a. Chun Turk olturushluq viloyatlarni o‘zimizning tasavvur qilib eduk, ul jihattin tolon va toroj bo‘lmadi. Hamisha elning so‘zi bu edi kim agar musolaha jihatidin elchi borsa Turkka ta’alluq viloyatlarg‘a muzoyaqa qilma-g‘ularidur. Panjshanba kuni Rabi’ulavval oyning g‘urrasida bu jihatdin Mullo Murshidni Sulton Ibrohimg‘a kim otasi Sulton Iskandar ush ul besh olti oyda o‘lub Hind saltanati munga tegib edi, elchilikka ta’yin qilib bir qarchig‘oy yiborib qadimiy Turk ta’alluq viloyat-larni tiladuk. Davlat Xong‘a yiborilgan xatlarni va Sulton Ibrohimg‘a bitilgan xatlar-ni topshurub og‘iz so‘zlarini dog‘i aytib Mullo Murshidg‘a ruxsat berildi. Bu Hinduston eli

alalxusus afg‘onlar ajab hush-u xiraddin yiroq va roy-u tadbirdin qiroq ellar bo‘lur emish. Na yog‘iliq yurush va turushin qila oldilar, na do‘stluq roh-u ravishin bila oldilar. Borg‘on kishimizni Davlat Xon necha kun Lohurda soxlotib na o‘zi ko‘rdi na Ibrohimg‘a yibordi. Necha oydin so‘ng borg‘on kishimiz hech javob topmay Kobulg‘a keldi. Odina kuni oyning ikkisida Shayboq Piyoda bila Darvesh Ali Piyoda kim holo tufangandozdur, Kobuldin arzdoshtlar kelturub Hindolning tug‘qon xabarini ham kelturdilar. Hindning tasxiri zamonida bu xabar kelgan uchun shugun tutub Hindol ot qo‘ydum. Qanbar Beg ham Balxdin Muhammad Zamon Mirzoning arzdosht-larini kelturdi. Tonglasi devon tarqog‘ondin so‘ng sayrg‘a otlanib kemaga kirib