✺Baburname

Kishilar yiborib besarliq qilg‘on elning ba’zisini yosoqg‘a yetkurub ba’zisining burnini teshib ordudin evurdilar. Odina kuni Xushob elidin arzdosht keldi. Shoh Hasan Shoh Shujo’ Arg‘unni ta’yin bo‘ldi kim Xushobqa borg‘oy. Shanba kuni oyning yigirma beshida Shoh Hasanni Xushob yiborildi. Yakshanba andoq yomg‘ur yog‘di kim tamom tuzlarni su tutti. Bihra bila ordu tushgan bog‘lar arosida ozg‘ina sho‘r su erdi.

namozi peshinga-cha arzi bir ulug‘ daryocha bo‘ldi. Bihraning yovug‘ida bir tiri gaz otimi yerdin ko‘prak guzar yo‘q edi. Uzdurub o‘tar edilar. Ikki namoz arosida kirgan sularni sayr qila otlandim. Yog‘in va chopqun andoq bo‘ldi kim yana yonib ordug‘a kelmak ga tavahhum bo‘ldi. Ikki namoz arosida ush ul kirgan suni uzdurub o‘ttum. Cherik eliga ham bisyor tavahhum bo‘ldi. Aksar el o‘toqlarini va og‘ir partollarini toshlab jiba va kechim va yaroqlarini eginlariga olib ot yalanglop uzdurub o‘ttilar. Sabohi daryodin kemalarni kelturub aksar cherik eli chodirlarini va partollarini kema bila o‘tkardi-lar. Tushga yovuq Qo‘ch Begning kishisi bir shar’iy su yuqqori borib

guzar toptilar. Qolg‘on el guzar bila o‘ttilar. Bihraning qurg‘onining ichida kim jahonnamo derlar, bir kun turub seshanba sabohi ko‘chub yomg‘ur va sayl taraddudidin Bihraning shimol sori yonidag‘i balandilarning ustiga tushuldi. Taqabbul yarmog‘ida ihmol qiladur-lar edi. To‘rt sarkor qilib beglarga buyuruldi kim ihtimom qilib butkargaylar.