Baburname

Demir Barlas

Page 445 · 223b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 223b
Choose languages

Page 445 of 762

Languages

Chagatay

بو تاغنی جودغه منسوب قیلیب کوه جود دیبتورلار بولاردین بیر معتبر اولوغی رای خطاب تاپار اوزکه اینی اوغلینی ملک دیرلار بو جنجوه لنکر خان نینک تاغای لاری بولور سوهان سویی نینک نواحی سیده غی ایل و اولوس نینک حاکیمی نینک اتی ملک هست ایدی اصلی اتی اسددور هندوستانیلار مونداق حرکت لارنی گاهی ساکن اوقورلار نیچوک کیم خبرنی خبر دیرلار اسدنی اسد دیبتورلار بارا بارا هست بولوبتور لنکر خان نی ملک هست جنجوه غه توشکچ اوق یباریلدی قاتراپ باریب عنایت و شفقتیمیزدین امید وار قیلیب نماز خفتن ده الیب کیلدی بیر کیچیم لیک ات پیشکش کیلتوروب ملازمت قیلدی یکیرمه ایکی یکیرمه اوچ یاشدا بولغای ایدی بولارنینک کله قرالاری اوردونینک کرد و نواحی سیده بسیار ایدی چون همیشه هندوستان الماق خاطر دا ایدی بو بیر نیچه ولایت لار کیم بهره و خوشاب و چناب و چنیوت بولغای نیچه محل ترک تصرفیدا ایدی بولارنی

Turkish

Bu dağı Cud’a bağlayarak Kuh-i Cud demişlerdir. Bunların itibarlı büyüklerinden biri ray unvanını alır; diğer küçük kardeşlerine ve oğullarına melik derler. Bu Cancuhalar Lenger Han’ın dayılarıdır. Suhan ırmağı çevresindeki halkın hükümdarının adı Melik Hest idi. Asıl adı Esed’dir. Hintliler bu tür harekeleri bazen ünlüsüz okurlar; nitekim haber sözcüğünü habr derler. Esed’e esd demişler; giderek Hest olmuştur. Lenger Han’ı Melik Hest Cancuha’ya, konar konmaz gönderdik. Hızla giderek onu lütuf ve şefkatimizle ümitlendirip yatsıda getirdi. Zırh örtülü bir at armağan ederek huzura çıktı. Yirmi iki, yirmi üç yaşlarında olmalıydı. Bunların sürü hayvanları ordugâhın çevre-sinde çoktu. Her zaman Hindistan’ı almak niyetinde olduğumdan, bu birkaç vilayet-in, yani Bihre, Hoşab, Cenab ve Cenyut’un, bir zaman Türk yönetiminde bulunduğunu düşünüyordum. Bunları

English

Not yet available.

Languages

Chagatay

خود ملکیمیز دیک تصور قیلور ایدوک زور بیله یا صلح بیله اوزیمیزنینک متصرف بولور میزغه متیقن ایدوک بو جهت تین بو تاغ ایلی بیله یخشی معاش قیلماق واجب و لازم ایدی

Turkish

kendi mülkümüz gibi görüyorduk. Zorla ya da barışla yönetimini ele geçireceği-mizden emindik. Bu yüzden bu dağ halkıyla iyi geçinmek gerekliydi.

English

Not yet available.