✺Baburname

Kelurda boshini yo‘lda tushurubtur. Ko‘ngul tilagudek tahqiq xabar kelturmay, tush bo‘la ko‘chub Savod suyini o‘tub namoz-i digardin ertarak tushuldi. Namoz-i xuftanda otlanib ildam yuruduk. Oftob bir nayza bo‘yi chiqqonda Rustam Turkmonni kim qarovulluqqa yiborib edi, xabar kelturdi kim afg‘onlar xabardor bo‘lub qo‘zg‘olibturlar. Bir pora afg‘on tog‘ yo‘li bila boradur. Muni eshitkach ildamroq yurub chopqunchini ilgarirak oyirduk.

Borib bir necha afg‘onni o‘lturub boshlarini kesib bir pora asir va uy va kalalarini kelturdilar.

Dilazok afg‘onlar ham bir necha bosh kesib kelturdilar. Yonib Kotlang navohisi g‘a tushuldi. Uruqni kim Xoja Mir Miron boshlab keladur edi, utrusig‘a boshchi yiborildi kim Maqomda kelib bizga qo‘shulg‘oy. Tonglasi ko‘chub Kotlang bila Maqomning orasig‘a tushuldi. Shoh Mansurning kishisi keldi. Xusrav Ko‘kaltosh va Ahmadi Parvona-chini bir pora kishi bila uruq utrusig‘a yiborildi. Seshanba kuni oyning o‘n to‘rtida Maqomg‘a tushkanda uruq kelib qo‘shuldi. Ushbu o‘tuz qirq yilda Shahboz Qalandar otliq bir mulhid bor ekandur. Yusuf Zayning bir jamoatini va Dilazokning bir jamoatini mulhid qilg‘on ushbu qalandar ekandur. Maqomning tog‘ining tumshug‘ida bir porcha pastroq tog‘