✺Baburname

Panj Ko‘ra tog‘ning o‘rtasidin yuqorroq voqi’ bo‘luptur. Bir kuro‘hg‘a yovuq dovon chiqmoq kerak to Panj Ko‘raning kentlarig‘a kishi yetkay. Eli qochib chiqib edilar. Bir pora qorolarini va uylaridin qalin ashliqlarini kelturdilar. Tonglasi cherikni Qo‘ch Beg-ka boshlatib chopqun yiborildi. Panjshanba kuni oyning yigirma beshida cherik eli ashliq olur maslahati jihatidin Kahroj darasining ichiga Mondish kentlarig‘a tushuldi. Humoyundin so‘ngra Humoyun bila bir tug‘qon necha farzand bo‘ldi, turmadi.

Hindol hanuz tug‘maydur edi. Bu navohilarda ekanda Mohimdin xat keldi. Bitibtur kim: «Xohi o‘g‘ul bo‘lsun, xohi qiz, mening baxt-u toli’im. Manga bering, men farzand chiqoy [?] soxloy». Odina kuni oyning yigirma oltisida ushbu yurtta ekanda Hindolni Mohimg‘a berib xatlar bitib Yusuf Ali Rikobdorni Kobulg‘a yiborildi. Hanuz Hindol tug‘maydur edi. Ushbu yurtta ekanda Mondish viloyatida daraning o‘rtasida bir balandning ustida bir ulug‘ suffa tosh bila yosoldi kim oq uy besh xonasi bila sig‘di. Bu suffaning toshlarini tamom ichkilar va sipohiylar toshidilar. Yusuf Zay ug‘ondin Malik Shoh Mansur, Malik Sulaymon Shohning o‘g‘li kelib edi. Davlatxohliq