✺Baburname

urub g‘animni bosh chiqorg‘ali qo‘ymadilar. Yana ba’zi yigitlar yog‘ining harb-u zarbidin hech parvo qilmay o‘qi bila toshini zarra ko‘zga ilmay qurg‘on teshmak bila buzmoqqa mashg‘ul va mash’uf edilar. Chosht bor edi kim sharq shimoliy burj kim Do‘st Begning kishisi qozadur edi, teshilib Do‘st Begning kishisi g‘animni qochurub burj ustiga chiqdilar.

Ushul zamon g‘o‘l kishisi ham shotudin qal’ag‘a chiqdilar. G‘o‘ldin avval qurg‘ong‘a chiqti.

Tengri taoloning lutf-u inoyatidin mundoq mazbut-u mustahkam qurg‘on ikki uch soat-i nujumiyda fath bo‘ldi. Yigit yalang ulcha imkon jidd-u ihtimom edi zohir ettilar va bahodurliq etti va nang-u nom hosil ayladilar. Bajur eli chun yog‘i edilar, bovujud bag‘iy-u dushmanliq kuffor rusumi bu el ichida shoyi’ edi va Islom oti ul xayl orasida zoyi’, qatl-i omg‘a borib ahl-u iyollari tamom asir bo‘ldi. Chun sharq sori urush tushmaydur edi, ozroqcha kishi ul tarafdin qochib chiqdilar. Taxminan uch mingdin ko‘prak kishi qatlg‘a boribtur. Qurg‘on fath bo‘lg‘ondin so‘ng kirib qurg‘onni sayr qilindi.

Tomlarda va uy va ko‘chalarda va ko‘ylarda benihoyat o‘luk yotib edi. O‘tkuchi ketkuchi o‘luklarning ustidin ubur-u murur qilurlar edi. Sayrdin yonib sulton-larning uyida olturub Bajur viloyatini Xoja Kalong‘a inoyat qilduk. Ko‘mak uchun obodon yigitlardin qalin kishi ta’yin qilib namoz-i shom o‘rdug‘a kelindi. Tonglasi ko‘chub Bajurning jalgasida Bobo Qaro chashmasig‘a tushuldi. Bir necha bandiy kim qolib edi, Xoja Kalonning shafoati bila gunohlarin bag‘ishlab ahl-u iyollarini alarg‘a qotib ruxsat berildi. Ba’zi sultonlari va sarkashlari kim elga tushub edi, yasoqqa yetti. Sultonlarning boshi bila bir necha bosh bu fath xabari bila Kobulg‘a yiborildi.