✺Baburname

holatida Xoja Muhammad Amin, Xoja Do‘st Xovand, Muhammad Ali Piyoda, Shomiy qurg‘ondin toshlab chiqarlar. Qurg‘on eli ma’yus bo‘lub oldurur mahalda Shayboq Xon sulh so‘zini arog‘a solib Qandahor ustidin qo‘por. Qo‘pmog‘ining jihati bu bo‘lur kim Qandahor ustiga kelurda haramlarini Nirahtug‘a yibarib ekandur. Nirahtuda bir kishi bosh ko‘tarib qurg‘ong‘a mutasarrif bo‘lur. Bu jihatdin sulhg‘una qilib yonar. Bir necha kundin so‘ng, bovujud kim qish o‘rtasi edi, Bodij yo‘li bila Kobulg‘a kelduk. Bodijning ustida bir toshda buyurdum kim bu ubur va mururning tarixini qozg‘oylar. Hofiz Mirak bitidi. Ustod Shoh Muhammad sangtaroshliq qildi. Shitob uchun obodon qozilmadi. G‘aznini Nosir Mirzog‘a inoyat qildim. Abdurrazzoq

Mirzog‘a Niganhor tumani va Mandrovar va Dara-yi Nur va Kunar va Nurgilni berildi. Ushbu tarixqacha Temur Begning avlodini bovujud saltanat mirzo derlar edi. Ushbu navbat buyurdum kim meni podshoh degaylar. Ushbu yilning oxirida seshanba kechasi Zi-l-qa’da oyining ning to‘rtida oftob Hut burjida edi, Kobulning arkida Humoyun mutavallid bo‘ldi. Tarix-i vilodatini Mavlono Masnadiy shoir «Sulton Humoyun Xon» topib edi. Kobul shoirchalaridin birav «Shoh Firuz Qadr» topib edi. Uch to‘rt kundin so‘ng Humoyun ismi bila mavsum bo‘ldi. Humoyu-nning vilodatidin besh olti kun so‘ng chorbog‘qa chiqib Humoyunning vilodati-ning to‘yi bo‘ldi. Beg-u begot ulug‘ kichik sochiq kelturdilar. Qalin oq tanga