Baburname

Demir Barlas

Page 421 · 211b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 211b
Choose languages

Page 421 of 762

Latin transcription

Kelib tushtuk. Shoh Beg va Muqim kim qochtilar, Qandahor qal’asig‘a kira olmadilar. Shoh Beg Shol va Mastung sori chiqti. Muqim Zamindovar tarafi bordi. Qurg‘on berkitkuncha kishi qo‘ymaydur edi. Quli Beg Arg‘unning og‘a inisidin Ahmad Ali Tarxon va ba’zilar kim manga ixlos va aqidalari ma’lum bo‘lub edi, qurg‘onda edilar. So‘zlashib og‘a inilarining jonig‘a amon tiladilar. Mazkur bo‘lg‘onlar inoyat bila mashmul bo‘lub qilg‘on istid’o-lari mabzul bo‘ldi. Qurg‘onning Moshur darvozasini ochtilar. Elning boshsiz-lig‘ini mulohaza qilib o‘zga darvozalarni ochilmadi. Ushbu ochilg‘on darvozada Shirim Beg va Yoram Beg ta’yin qilildi. O‘zum bir necha ichkilar bila kirib boshsiz elni

Languages

Chagatay

کیلیب توشتوک شاه بیک و مقیم کیم قاچتیلار قندهار قلعه سیغه کیره آلمادیلار شاه بیک شال و مستونک ساری چیقتی مقیم زمینداور طرفی باردی قورغان بیرکیتکونچه کیشی قویمایدور ایدی قلی بیک ارغون نینک آغا اینی سیدین احمد علی ترخان و بعضی لار کیم منکا اخلاص و عقیده لاری معلوم بولوب ایدی قورغاندا ایدیلار سوزلاشیب آغا اینی لارینینک جانیغه امان تیلادیلار مذکور بولغانلار عنایت بیله مشمول بولوب قیلغان استدعا لاری مبذول بولدی قورغان نینک ماشور دروازه سینی آچتیلار ایل نینک باشسیز لیغینی ملاحظه قیلیب اوزکه دروازه لارنی آچیلمادی اوشبو آچیلغان دروازه ده شیرم بیک و یارم بیک تعیین قیلیلدی اوزوم بر نیچه ایچکیلار بیله کیریب باشسیز ایلنی

Turkish

Gelip konduk. Kaçan Şah Beg ile Mukim, Kandahar kalesine giremediler. Şah Beg Şal ve Mastung yönüne çıktı; Mukim Zemindaver tarafına gitti. Kaleyi savunmaya yetecek adam bırakmış değildi Mukim. Kuli Beg Argun’un kardeşlerinden Ahmed Ali Tarhan ve bana bağlılık ve sadakatleri bilinen bazıları kaledeydi. Görüşüp kardeşlerinin canlarının bağışlanmasını istediler. Bunlara lütuf gösterildi ve dilek-leri yerine getirildi. Kalenin Maşur Kapısı’nı açtılar. Askerin başıbozuklu-ğunu göz önüne alarak başka kapıları açmadık. Açılan bu kapıya Şirim Beg ile Yoram Beg görevlendirildi. Kendim birkaç yakın hizmetkârla içeri girip başıbozuk askere

English

Not yet available.

Latin transcription

otqulab, siyosat uchun bir ikki kishini ham buyurdum kim o‘lturdilar. Avval Muqim-ning xazinasig‘a yettim kim tosh qurg‘onda edi. Abdurrazzoq Mirzog‘a birar nima xazinadin inoyat qilib bu xazinaning ustiga Do‘st Nosir Beg va Quli Boyazid Bakovulni va baxshilardin Muhammad Baxshini muqarrar qilindi. Mir Xon degan Zunnunning devoni-ning uyiga Mirim Nosirni va Maqsud Suchini yibarildi. Nosir Mirzog‘a tutturuldi.

Languages

Chagatay

آتقولاب سیاست اوچون بر ایکی کیشینی هم بویوردوم کیم اولتوردیلار اول مقیم نینک خزینه سیغه یتتیم کیم تاش قورغاندا ایدی عبد الرزاق میرزا غه برار نیمه خزینه دین عنایت قیلیب بو خزینه نینک اوستیکه دوست ناصر بیک و قلی بایزید بکاول نی و بخشی لاردین محمد بخشی نی مقرر قیلیندی میر خان دیکان ذوالنون نینک دیوانی نینک اوییکه میرم ناصر نی و مقصود سوچی نی یباریلدی ناصر میرزا غه توتتورولدی

Turkish

ok attım; ibret olsun diye bir iki kişinin de öldürülmesini emrettim. Önce Mukim’in dış kaledeki hazinesine gittim. Abdurrezzak Mirza’ya hazineden bir şeyler bağışlayıp bu hazinenin başına Dost Nasır Beg, Kuli Bayezid Bekavul ve bahşılardan Muhammed Bahşı tayin edildi. Zünnun’un divan görevlisi Mir Han denilen kişinin evine Mirim Nasır ile Maksud Suçi gönderildi. [Bu ev] Nasır Mirza için ayrıldı.

English

Not yet available.

Latin transcription

Mirzo Xong‘a Shayx Abu Sa’id Tarxoniy tutturuldi. Abdurrazzoqqa tutturuldi. Ul viloyatlarda mundoq qalin oq yarmoqni hargiz ko‘rungan emas edi, balki muncha yarmoq ko‘rgan kishidin ham eshitilgan emas edi. Ul kecha arkta o‘q bo‘ldum. Shoh Begning Sunbul qulini tutub kelturdilar. Ul mahalda agarcha mahrami edi, ancha rioyat topmaydur edi. Biravga topshurdum. Yaxshi ehtiyot qilmay qochurubtur. Tonglasi Farruxzodning chorbog‘ig‘a kim o‘rdu anda edi, keldim. Qandahor viloyatini Nosir Mirzog‘a berdim. Xazinalarni zabt qilib yuklar chiqar mahalda arkdagi xazina-din bir qator teva yuki oq tanga Nosir Mirzo olib qolibtur. Ani tilamay Nosir Mirzog‘a o‘q

Languages

Chagatay

میرزا خانغه شیخ ابو سعید ترخانی توتتورولدی عبد الرزاق قه توتتورولدی اول ولایت لاردا مونداق قالین آق یارماق نی هرکز کورونکان ایماس ایدی بلکه مونچه یارماق کورکان کیشیدین هم ایشیتیلکان ایماس ایدی اول کیچه ارکته اوق بولدوم شاه بیک نینک سنبل قولینی توتوب کیلتوردیلار اول محلدا اکرچه محرمی ایدی انچه رعایت تاپمایدور ایدی بیروکه تاپشوردوم یخشی احتیاط قیلمای قاچوروبتور تانکلاسی فرخزاد نینک چهار باغیغه کیم اردو اندا ایدی کیلدیم قندهار ولایتینی ناصر میرزا غه بیردیم خزینه لارنی ضبط قیلیب یوکلار چیقار محلدا ارک داکی خزینه دین بر قطار تیوه یوکی آق تنکه ناصر میرزا آلیب قالیبتور آنی تیلامای ناصر میرزا غه اوق

Turkish

Mirza Han için Şeyh Ebu Said Tarhanî’nin [evi] ayrıldı. Abdurrezzak için de [adı belirtilmeyen birinin evi] ayrıldı. O ülkelerde böylesine çok gümüş para hiç görülmemişti; hatta bu kadar para gördüğünü söyleyen kimse de duyulmamıştı. O gece iç kalede kaldım. Şah Beg’in Sümbül adlı kölesini yakalayıp getirdiler. O sırada gerçi onun sırdaşıydı, ama pek itibar görmüyordu. Birine teslim ettim; iyi gözetmeyip kaçırmış. Ertesi gün ordunun bulunduğu Ferruhzad’ın çarbağına geldim. Kandahar vilayetini Nasır Mirza’ya verdim. Hazineleri denetim altına alıp yükleri çıkarırken iç kaledeki hazine-den bir katar deve yükü gümüş parayı Nasır Mirza alıkoymuş. Geri istemedim; Nasır Mirza’ya

English

Not yet available.