Baburname

Demir Barlas

Page 420 · 211a
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 211a
Choose languages

Page 420 of 762

Latin transcription

Qanbar Ali yoroliq bo‘ldi. Qosim Begning peshonisig‘a o‘q tegdi. G‘uriy Barlosning qoshining ustiga o‘q tegdi. Qochorining ustidin chiqti. Ushbu fursatta yog‘ini qochurub bu ariqlardin Murg‘on tog‘ining tumshug‘i sori o‘ttuk. Ariqlardin o‘tar fursatta bir bo‘z to‘pchoqliq kishi tog‘ domanasida ul sori bu sori bormoqqa mutaraddid bo‘lub oxir bir sori boqa tebradi. Shoh Begga o‘xshottim, g‘olibo Shoh Beg ekandur.

Languages

Chagatay

قنبر علی یارالیق بولدی قاسم بیک نینک پیشانیسیغه اوق تیکدی غوری برلاس نینک قاشی نینک اوستیکه اوق تیکدی قاچار نینک اوستیدین چیقتی اوشبو فرصتتا یاغینی قاچوروب بو آریق لاردین مرغان تاغی نینک تومشوغی ساری اوتتوک آریق لاردین اوتار فرصتتا بیر بوز توپچاقلیق کیشی تاغ دامنه سیده اول ساری بو ساری بارماققه متردد بولوب آخر بیر ساری باقا تیبرادی شاه بیک که اوخشاتتیم غالبا شاه بیک ایکاندور

Turkish

Kamber Ali yaralandı. Kasım Beg’in alnına ok isabet etti. Gurî Barlas’ın kaşının üstüne ok isabet etti ve yanağının üstünden çıktı. Bu sırada düşmanı kaçırıp bu kanallardan geçerek Murgan dağının burnuna doğru ilerledik. Kanallardan geçerken boz bir topçak atına binmiş biri dağ eteğinde şu yana mı bu yana mı gideceğinde tereddüt edip sonunda bir yana yöneldi. Şah Beg’e benzettim; galiba Şah Beg’di.

English

Not yet available.

Latin transcription

Yog‘ini bosqoch tamom cherik kishi tushurmakka va yog‘ini qovlamoqqa bordilar. Mening bila sanog‘liq o‘n bir kishi qolib edi. Ul o‘n bir kishidin Abdulloh Kitobdor edi.

Languages

Chagatay

یاغینی باسقاچ تمام چریک کیشی توشورماککا و یاغینی قاولاماققه باردیلار منینک بیله ساناغلیق اون بیر کیشی قالیب ایدی اول اون بیر کیشی دین عبد الله کتابدار ایدی

Turkish

Düşmanı yenince bütün ordu esir almaya ve düşmanı kovalamaya gitti. Benim yanımda sayılı on bir kişi kalmıştı. O on bir kişinin arasında Abdullah Kitabdar vardı.

English

Not yet available.

Latin transcription

Muqim hanuz tutub urushodur edi. Kishimizning ozig‘a boqmay Tengriga tavakkul qilib naqqoralarni qoqib g‘anim sori boqib yuruduk. Ko‘p-u ozg‘a Tengri-dur berguchi. Bu dargohda yo‘qtur kishining kuchi. Kam min fi’atin qalilatin g‘alabat fi’atan kasiratan bi-iznilloh. Naqqora unini istimo’ qilib bizning mutavajjih bo‘lg‘onimizni bilib qaror tariqini unutub firor yo‘lin tutti. Tengri rost kelturub yog‘ini qochurub Qandahor sori yurub Farruxzod Begning chorbog‘ig‘a kim bu tarixda andin asar qolmaydur,

Languages

Chagatay

مقیم هنوز توتوب اوروشادور ایدی کیشیمیزنینک آزیغه باقمای تنکری کا توکل قیلیب نقاره لارنی قاقیب غنیم ساری باقیب یورودوک کوپ و آزغه تنکری دور بیرکوچی بو درگاهدا یوختور کیشی نینک کوچی کم من فئة قلیلة غلبت فئة کثیرة باذن الله نقاره اونینی استماع قیلیب بیزنینک متوجه بولغانیمیزنی بیلیب قرار طریقی نی اونوتوب فرار یولین توتتی تنکری راست کیلتوروب یاغینی قاچوروب قندهار ساری یوروب فرخزاد بیک نینک چهارباغیغه کیم بو تاریخدا آندین اثر قالمایدور

Turkish

Mukim hâlâ dayanıp savaşıyordu. Adamımızın azlığına bakmadan Tanrı’ya tevekkül edip davulları çalarak düşmana doğru ilerledik. Çoğa da aza da Tanrı’dır veren; bu dergâhta insanın gücü yoktur. Nice az topluluk, çok sayıdaki topluluğa galip gelmiştir, Allah’ın izniyle. Davul sesini işitip kendisine doğru yürüdüğümüzü anlayınca direnme yolunu unutup kaçış yolunu tuttu. Tanrı işi rast getirdi; düşmanı kaçırıp Kandahar’a doğru yürüyerek Ferruhzad Beg’in bu tarihte artık izi kalmamış olan çarbağına

English

Not yet available.