✺Baburname

Kamol Sharbatchi. So‘l qo‘lumda Xoja Muhammad Ali va Do‘st Nosir, Mirim Nosir, Bobo Sherzod, Xon Quli, Valiy Xazinachi, Qutluq Qadam Qarovul, Maqsud Suchi, Bobo Shayx. G‘o‘lda tamom ichkilar edi. Ulug‘ beglardin kishi yo‘q edi. Bu mazkur bo‘lg‘onlardin hanuz hech kim beglik martaba-sig‘a yetmaydur edi. Bu bo‘yda bitilgan Sher Beg, Hotam Qo‘r Begi, Kepak Quli Bobo, Abulhasan Qo‘rchi, mo‘g‘ullardin Urus Ali, Sayyid Darvesh Ali, Sayyid Xushkeldi, Chalma Do‘stkeldi, Chalma Tog‘chi, Domochi Mendi, turkmanlardin Mansur va Rustam og‘a-inisi bila, Shoh Nazar, Suyunduk. G‘anim kishisi ikki bo‘lak bo‘ldi. Bir bo‘lak Shoh Shujo’ Arg‘un, kim Shoh Begga mashhurdur, mundin so‘ngra Shoh Beg o‘q bitilg‘usidur; yana bir bo‘lak inisi Muqim. Bu Arg‘unlarning qarosini

olti yetti ming chenarlar edi. To‘rt besh ming yarog‘liq kishisida xud hech so‘z yo‘q edi kim bor edi. G‘o‘l bila va barang‘or bila o‘zi ro‘baro‘ bo‘ldi. Muqim javong‘or bila ro‘baro‘ bo‘ldi. Muqimning cheriki og‘osining cherikidin juz’iy kamroq bo‘lg‘oy edi. Bizning javong‘org‘a kim Qosim Beglar bo‘lg‘oy, muhkam zo‘r keldi. Urush vaqtig‘a-cha ikki uch kishi Qosim Begdin kelib ko‘mak tiladi. Chun ollimizda bizning g‘animimiz ham zo‘r edi, kishi ayira olmaduq. G‘anim tarafi be-dirang mutavajjih bo‘lduq. O‘q kela boshlag‘on fursatta