✺Baburname

Ma’lum bo‘ldi kim xabardor bo‘lmishlar. Sayyid Qosimning ko‘prugiga yeta Shirim Tag‘oyi bila barong‘or kishisini Mullo Boboning ko‘prugi sori yibarildi. Javong‘or va g‘ul Bobo Luli yo‘li bila bo‘lduq. Ul mahal Xalifa bog‘ining o‘rnida bir kichikrak bog‘cha edi. Ulug‘ Beg Mirzo solib edi, langar yo‘sunluq. Agarchi diraxt-u yig‘ochi qolmaydur edi, vale muhavvatasi bor edi. Mirzo Xon anda olturub edi.

Muhammad Husayn Mirzo Ulug‘ Beg Mirzo solg‘on Bog‘-i Bihishtta edi. Men Mullo Boboning bog‘ining ko‘cha tarafidag‘i go‘ristong‘a yetib edim kim tezlik qilib ilgari borg‘onlarni urub yondurub bizga tiqtilar. Ilgari borib Mirzo Xon olturg‘on havlig‘a kirganlar to‘rt kishi edi. Bir Sayyid Qosim Eshik Og‘o edi.

Yana Qambar Ali Qosim Beg edi, yana bir Sher Quli Qarovul Mo‘g‘ul edi, yana bir Sulton Ahmad Mo‘g‘ul edi. Sher Qo‘lining jamoatidin edi. Bu to‘rt kishi yetkan bila be-tahoshi o‘q Mirzo Xon olturg‘on havlig‘a kirarlar, g‘avg‘o bo‘lur, Mirzo Xon bir otqa minib qochib chiqar. Abulhasan Qo‘rbegining inisi Muhammad Husayn ham Mirzo Xong‘a navkar bo‘lub edi. Bu to‘rt kishidin Sher Qulini chopib yiqor. Boshini kesar mahalda xalos bo‘lur. Bu to‘rt kishi qilich yeb o‘q yeb yaroliq bo‘lub mazkur bo‘lg‘on yerda bizga tiqilib keldilar. Tor ko‘chada otliq el tiqildilar turdilar. Ne ilgari yuruy oladurlar, ne keyinga yona oladurlar. Men yovug‘umdag‘i yigitlarga