Baburname

Demir Barlas

Page 393 · 197b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 197b
Choose languages

Page 393 of 762

Latin transcription

Tonglasi Langardin otlonib Ushtur shahr to‘g‘risig‘a tushuldi. Andin erta otlonib tushka yovuq G‘avrband tangisidin chiqib ko‘pruk boshida tushtuk. Ot sug‘orib ot--ni tindurub namoz-i peshin ko‘pruk boshidin otlonduq. Tutqovulg‘acha qor yo‘q edi.

Languages

Chagatay

تانکلاسی لنکردین آتلانیب اوشتر شهر توغری سیغه توشولدی اندین ایرته آتلانیب توشکه یاووق غوربند تینکی سیدین چیقیب کوپروک باشیدا توشتوک آت سوغاریب آت نی تیندوروب نماز پیشین کوپروک باشیدین آتلاندوق توتقاغول غه چه قار یوقدی

Turkish

Ertesi gün Lenger’den hareket edip Uştur Şehr karşısında konduk. Oradan erkenden çıkıp öğleye doğru Gavrbend Geçidi’nden çıkarak köprü başında konduk. Atları sulayıp dinlendirdikten sonra öğle namazında köprü başından yola çıktık. Tutkavul’a kadar kar yoktu.

English

Not yet available.

Latin transcription

Tutqovuldin o‘ta borg‘on soyi qor ulug‘roq bo‘ldi. Zamma Yaxshi bila Manor arosida andoq sovuq edi kim muddat-ul-umr oncha sovuq kam ko‘rulub edi. Ahmad Yasovul bila Qoro Ahmad Yurtchini dog‘i Kobuldag‘i beglarga yibarildi kim ushul mi’od bila kelduk, voqif-u mardona bo‘lung. Manor tog‘idin o‘tub domenada tushub sovuqdin be-toqat bo‘lub o‘tlar yondurub isiduk. Agarchi o‘t yondurur mahal emas edi, sovuq zarbidin be-toqat bo‘lub o‘t yonduruldi. Tong ota yovushub edi kim Manor tog‘ining domenasidin otlonduq. Manor bila Kobulning arosida qor otning tizida bor edi. Qotqon bo‘lub edi. Yo‘ldin chiqqon kishi tashvish

Languages

Chagatay

توتقاغول دین اوته بارغان سایی قار اولوغراق بولدی زمه یخشی بیله منار آراسیدا انداق ساووق ایدی کیم مدة العمر آنچه ساووق کم کورولوب ایدی احمد یساول بیله قرا احمد یورتچی نی داغی کابل داغی بیکلرکه ییبار یلدی کیم اوشول میعاد بیله کیلدک واقف و مردانه بولونک منار تاغیدین اوتوب دامنه ده توشوب ساووق دین بی طاقت بولوب اوتلار یاندوروب ایسیدوک اگرچه اوت یاندورور محال ایماس ایدی ساووق ضربی دین بی طاقت بولوب اوت یاندورولدی تانک آتا یاووشوب ایدی کیم منار تاغی نینک دامنه سیدین آتلاندوق منار بیله کابل نینک آراسی دا قار آت نینک تیزیده بار ایدی قاتقان بولوب ایدی یول دین چیققان کیشی تشویش

Turkish

Tutkavul’dan ileri gittikçe kar arttı. Zemme Yahşi ile Menar arasında öyle bir soğuk vardı ki bütün ömrümüzde böylesini pek az görmüştük. Ahmed Yasavul’u ve Kara Ahmed Yurtçı’yı da Kâbil’deki beylere gönderdik: “Belirlediğimiz zamanda geldik; uyanık ve cesur olun.” Menar Dağı’nı aşıp eteğinde konduk. Soğuktan dayanılmaz haldeydik; ateşler yakıp ısındık. Ateş yakmaya uygun zaman olmasa da soğuğun şiddetine dayanamayarak ateş yaktık. Tan atmak üzereyken Menar Dağı’nın eteğinden yola çıktık. Menar ile Kâbil arasında kar atın dizine kadar çıkıyordu. Donmuştu. Yoldan çıkan güçlükle

English

Not yet available.

Latin transcription

bila yurur edi. Bu aroliqni tamom chuburub kelduk. Bu jihatidin farz vaqtida Kobulg‘a be-hila yettuk. Bibi Mohruyg‘a yetardin burunroq arkdin ulug‘ o‘t chiqti.

Languages

Chagatay

بیله یورور ایدی بو آرالیقنی تمام چوبوروب کیلدک بو جهتی دین فرض وقتیدا کابل غه بی حیله ییتوک بی بی ماهرویه ییتردین بورونراق ارک دین اولوغ اوت چیقتی

Turkish

ilerliyordu. Bütün bu yolu tek sıra halinde geldik. Bu yüzden sabah namazının farzı vaktinde Kâbil’e ancak ulaşabildik. Bibi Mâhrûy’a varmadan iç kaleden büyük bir ateş yükseldi.

English

Not yet available.