✺Baburname

Har nek-u badi ki dar shumor ast / To darnigari saloh-i kor ast.

Namoz-i xuftan bo‘lub edi kim Yaka O‘langga kelib tushtuk. Yaka O‘lang eli biz kelib tushkanda o‘q xabar toptilar. Isiq uylar, semiz qo‘ylar, otqa o‘t va su be-nihoyat, o‘t yoqmoqqa o‘tun va tezak be-hadd, be-g‘oyat. Andoq sovuq va qordin qutulub mundoq kent va isiq uylar topmoq, andoq mashaqqat-u balodin xalos bo‘lub mundoq qalin non va semiz qo‘ylar topmoq huzuriydur kim mundoq mashaqqatlarni ko‘rganlar bilur, farog‘atidur kim mundoq balolar kechurganlar fahm qilur. Xotir jam’ va ko‘ngul tinch bir kun Yaka O‘lang--da tavaqquf qilduq. Yaka O‘langdin ko‘chub ikki yig‘och yo‘l kelib tushuldi. Tonglasi Ramazon idi bo‘ldi. Bomiyon bila yurub Shibartu Ko‘taldin oshib Changlikka

yetmay tushuldi. Turkman hazorasi ko‘chlari va mollari bila yo‘lumizning ustida o‘q qishlag‘on ekandur. Bizdin aslo xabarlari yo‘qtur. Tonglasi ko‘chub kelurda bu--larning og‘il va alochuqlarining orasig‘a kela tushtuk. Ikki uch bo‘lak og‘il tolon va torojg‘a bordi. O‘zgalari uy va ro‘zg‘orin solib o‘g‘lon ushog‘in olib toqqa torttilar. Ilgaridin xabar keldi kim bir necha hazora cherik elining allini bir tangida tusub o‘qlashib kishini o‘tkali qo‘ymaydurlar. Bu xabar kelgach ildam o‘q yurudum. Yetib ko‘rdum ersa tangi ham emas. Bir necha hazora bir tumshuqtin kelib o‘q qo‘yadurlar.