Baburname

Demir Barlas

Page 378 · 190a
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 190a
Choose languages

Page 378 of 762

Latin transcription

Xuroson eli pur-zarofat tirilurlar. El muning bu o‘qushidin biri qulog‘in tutamudur, yana biri chiroyin chitamudur? Mirzo jihatidin hech kim man’ qila olmaydur. Namoz-i shomdin so‘ng Tarabxonadin Muzaffar Mirzo solg‘on yangi qishloqi uyiga kelduk. Ushbu uyga kelganda oxir mastlig‘larda Yusuf Ali Ko‘kaldosh qo‘pub raqqosliq qildi. Sohib-i usul kishi edi.

Languages

Chagatay

خراسان ایلی پر ظرافت تیریلولار ایل مونینک بو اوقوشیدین بری قولاغین توتامودور ینه بری چیرایین چیتامودور میرزا جهتیدین هیچکیم منع قیلا آلمایدور نماز شام دین سونک طربخانه دین مظفر میرزا سالغان ینکی قیشلاقی اوییگه کیلدک اوشبو اویگه کیلکاندا آخر مستلیغلاردا یوسف علی کوکلداش قوپوب رقاصلیق قیلدی صاحب اصول کیشی ایدی

Turkish

Horasan halkı büyük incelikle yaşar. Onun böyle söylemesi karşısında kimi kulağını kapatıyor, kimi yüzünü buruşturuyordu. Mirza’dan dolayı kimse onu susturamıyordu. Akşam namazından sonra Tarabhane’den Muzaffer Mirza’nın yaptırdığı yeni kışlık eve geldik. Bu eve geldiğimizde, iyice sarhoşluk sırasında Yusuf Ali Kökeldâş kalkıp dans etti. Usul bilen biriydi.

English

Not yet available.

Latin transcription

Yaxshi raqs qildi. Bu uyga kelganda suhbat xayli garm bo‘ldi. Muzaffar Mirzo bir kamar-shamshir, bir qo‘zi juba, bir bo‘z to‘pchoq manga berdi. Bu uyga kelganda Jonik turkiy aytti. Muzaffar Mirzoning Kata Moh va Kichik Moh otliq qullari bor edi. Mastliq mahallarida bir pora bi-maza karam xuluqlar qildilar. Kechka cha garm suhbat edi. Majlis tarqodi. Men bu oqshom ushbu uyda o‘q bo‘ldum.

Languages

Chagatay

یخشی رقص قیلدی بو اویگه کیلکاندا صحبت خیلی گرم بولدی مظفر میرزا بر کمر شمشیر بر قوزی جبه بر بوز توبچاق منکا بیردی بو اویگه کیلکاندا جانک ترکی ایتتی مظفر میرزا نینک کته ماه و کیچک ماه آتلیق قوللاری بار ایدی مستلیق محللاریدا بر پاره بی مزه کرم خلوق لار قیلدیلار کیچکه چه گرم صحبت ایدی مجلس تارقادی مین بو آقشام اوشبو اویدا اوق بولدوم

Turkish

Güzel dans etti. Bu eve geldiğimizde eğlence iyice kızıştı. Muzaffer Mirza bana bir kılıç kuşağı, bir kuzu kürk ve bir boz topçak at verdi. Bu eve geldiğimizde Canik Türkçe türkü söyledi. Muzaffer Mirza’nın Kete Mah ve Kiçik Mah adlı kulları vardı. Sarhoşken birtakım tatsız maskaralıklar yaptılar. Geç vakte kadar hararetli bir eğlence sürdü. Meclis dağıldı. Ben o akşam yine bu evde kaldım.

English

Not yet available.

Latin transcription

Manga chog‘ir taklifi qilur xabarini Qosim Beg eshitib Zunnun Begka kishi yiboribtur. Zunnun Beg mirzolarg‘a nasihat yosunluq qotiq aytib chog‘ir taklifini tamom bartaraf qilibturlar.

Languages

Chagatay

منکا چاغر تکلیفی قیلور خبرینی قاسم بیگ ایشیتیب ذوالنون بیگ که کیشی ییباریبتور ذوالنون بیگ میرزالارغه نصیحت یوسونلوق قاتیق آیتیب چاغر تکلیفینی تمام برطرف قیلیبتورلار

Turkish

Bana şarap içmem için ısrar edildiğini duyan Kasım Bey, Zünnun Bey’e haberci göndermiş. Zünnun Bey mirzalara öğüt verircesine sert söz söyleyip şarap teklifini bütünüyle ortadan kaldırmış.

English

Not yet available.