✺Baburname

Muzaffar Mirzo mubolag‘a qildi. Ot ustida ko‘rushtuk. Ibn-i Husayn Mirzo bila ham ushbu nav’ ko‘rushuldi. Kelib Badiuzzamon Mirzo eshikiga tushtuk. G‘arib izdihom-u jam’iyat edi. Andoq g‘uluv edi kim tiqilishdin ba’zining uch to‘rt qadam yo‘l ayog‘i yerga tegmas edi. Ba’zi kim ish kuch uchun yonmoq xayol qilsa edi, to‘rt besh qadam yo‘l keyinga boqa be-ixtiyor olib borurlar edi. Badiuzzamon Mirzoning devonxona uyiga yettuk. Muqarrar andoq edi kim men uydin kirgach yukungay men, Badiuzzamon Mirzo qo‘pub irqqa kelgay, dog‘i ko‘rushulg‘oy. Men uydin kirgach bir yukundum, dog‘i be-dirang mutavajjih bo‘ldum. Badiuzzamon Mirzo ohastaroq qo‘pub sustroq

yurudi. Qosim Beg chun davlatxoh edi va mening nomusum aning nomusi edi, bel bog‘imdin bir tortti, voqif bo‘ldum. Ta’anniy bila yurub muqarrar bo‘lg‘on yerda ko‘rushuldi.

Bu ulug‘ oq uyda to‘rt to‘shak solib edilar. Badiuzzamon Mirzoning oq uylari albatta yon eshiklik bo‘lur edi. Mirzo doim bu eshikning yonida olturur edi. Bir to‘shakni bu eshikning yonida solib edilar. Badiuzzamon Mirzo va Muzaffar Mirzo bu to‘shakda olturdilar. Yana bir to‘shakni rost to‘rda solib edilar. Abul-Muhsin Mirzo va men bu to‘shakda olturduq. Badiuzzamon Mirzoning to‘shakidin qo‘yi chop yonida yana bir to‘shak solib edilar. Qosim Sulton O‘zbak Shaybon sultonlardin kim Mirzoning kuyavi bo‘lur edi, Qosim Husayn Sultonning otasi bo‘lg‘oy, yana Ibn-i Husayn Mirzo bu to‘shakda olturdi-lar. Manga solg‘on to‘shakdin qo‘yi o‘ng qo‘lumda yana bir to‘shak solib edilar. Jahongir