Baburname

Demir Barlas

Page 369 · 185b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 185b
Choose languages

Page 369 of 762

Latin transcription

Muhammad Barlos ham keldi. Men xud nega bormag‘oy men? Yuz ikki yuz yig‘och yo‘lni bu maslahat uchun tay qilib tur men. Muhammad Beg bila-o‘q mutavajjih bo‘ldum. Ul fursat mirzolar Murg‘obg‘a kelib edilar. Dushanba kuni jumodiyaloxir oyining sekizida mirzolar bila muloqot bo‘ldi. Abul-Muhsin Mirzo yarim kuro‘h istiqbol kelib edi. Yovuq yetishtuk.

Languages

Chagatay

محمد برلاس هم کیلدی مین خود نیگا بارماغای مین یوز ایکی یوز ییغاچ یولنی بو مصلحت اوچون طی قیلیبتور مین محمد بیک بیله اوق متوجه بولدوم اول فرصت میرزا لار مرغابغه کیلیب ایدیلار دوشنبه کونی جمادی الآخر آیی نینگ سیکیزیده میرزا لار بیله ملاقات بولدی ابولمحسن میرزا یاریم کروه استقبال کیلیب ایدی یاووق یتیشتوک

Turkish

Muhammed Barlas da geldi. Ben zaten neden gitmeyeyim? Yüz iki yüz yığaç yolu bu amaç için aşmıştım. Muhammed Bey’le birlikte yola koyuldum. O sırada mirzalar Murgab’a gelmişlerdi. Cemaziyelahir ayının sekizi, pazartesi günü mirzalarla görüştük. Ebülmuhsin Mirza karşılamaya yarım kürûh gelmişti. Birbirimize yaklaştık.

English

Not yet available.

Latin transcription

Men bu tarafdin ottin tushtum. Abul-Muhsin Mirzo ul tarafdin ottin tushti. Yurub ko‘rushub otlanildi. Ilgarirak kela o‘rduning yovug‘ida Muzaffar Mirzo va Ibn-i Husayn Mirzo keldilar. Bular Abul-Muhsin Mirzodin yoshqa kichik edilar. Kerak kim burunroq istiqbolg‘a kelsalar edi. G‘olibo bu ta’xir xumor jihatidin ekandur, ne takabburdin; va bu taqsir aysh-u ishrat sababidin ekandur, ne takaddurdin.

Languages

Chagatay

مین بو طرفدین ات تین توشتوم ابولمحسن میرزا اول طرفدین ات تین توشتی یوروب کوروشوب اتلانیلدی ایلگریراک کیله اردونینگ یاوغیده مظفر میرزا و ابن حسین میرزا کیلدیلار بولار ابولمحسن میرزا دین یاشقه کیچیک ایدی لار کیراک کیم بورونراق استقبال غه کیلسه لار ایدی غالبا بو تاخیر خمار جهتی دین ایکندور نی تکبردین و بو تقصیر عیش و عشرت سببی دین ایکندور نی تکدردین

Turkish

Ben bu tarafta attan indim. Ebülmuhsin Mirza da o tarafta attan indi. Yürüyüp görüştükten sonra atlara bindik. Biraz ilerlediğimizde, ordugâhın yakınında Muzaffer Mirza ile İbn-i Hüseyin Mirza geldiler. Bunlar yaşça Ebülmuhsin Mirza’dan küçüktüler. Karşılamaya daha önce gelmeleri gerekirdi. Herhalde bu gecikme mahmurluk yüzündenmiş, kibirden değil; bu kusur eğlence ve içki yüzündenmiş, kırgınlıktan değil.

English

Not yet available.