Baburname

Demir Barlas

Page 367 · 184b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 184b
Choose languages

Page 367 of 762

Languages

Chagatay

اشبو نواحیده سید افضل بیله سلطان محمد دولدای دین کیم خراسان غه ییبارلیب ایدی خط لار کیلدی سلطان حسین میرزا نینگ فوتی نینگ خبری ایدی باوجود بو خانه واده نینگ ناموسینی قرالاب خراسان جانبیغه متوجه بولدوق اگرچه بو توجهده اوزگه غرض لار هم بار ایدی اجر دره سی نینگ ایچی بیله اوتوب توپ و مندغان بیله بلخاب بیله اینیب کوه صافقه چیقیلدی اوزبک نی سان و چهاریک چاپقانینی خبر تاپیب قاسم بیک نی چریک بیله چاپقونچی نینگ اوستیگه ییباردوک باریب اوچراتیب یخشی باسیب قالین باش کیسیب کیلتوردیلار جهانگیر میرزا غه و ایماق لارغه کیشی لار ییباردوک

Turkish

Bu dolaylarda, Horasan’a gönderilmiş olan Seyyid Efdal ile Sultan Muhammed Dulday’dan mektuplar geldi. Sultan Hüseyin Mirza’nın ölüm haberiydi. Buna rağmen bu hane-danın onurunu gözeterek Horasan tarafına yöneldik. Gerçi bu yönelişte başka amaçlar da vardı. Ecer deresinin içinden geçip Tüp ve Mendegân yoluyla, Belhâb boyunca inip Kûh-i Sâf’a çıktık. Özbeklerin Sân ve Çehâryek’i yağmaladığını öğrenip Kasım Bey’i askerle akıncıların üzerine gönderdik. Gidip onlara rastladılar ve iyi bir baskın yapıp pek çok kesik baş getirdiler. Cihangir Mirza’ya ve oymaklara adamlar gönderdik.

English

Not yet available.

Languages

Chagatay

الاردین خبر الغونچه نیچه کون کوه صاف ییلاقیده اولتوردوک بو نواحی کییکی اسرو قالین بولور بیر مرتبه اولادوک بیر ایکی کوندین سونگ تمام ایماق لار کیلیب ملازمت قیلدیلار ایماق لارغه جهانگیر میرزا بیر نیچه قاتلا کیشی لار ییباردی بیر نوبت عماد الدین مسعود نی ییباردی بارمادیلار مینینگ قاشیمغه کیلدیلار آخر میرزا غه ضرورت بولدی کوه صافدین دره بایغه توشکنده مینی کیلیب کوردی چون بیزگا خراسان دغدغه سی ایدی میرزا غه باقمای ایماققه پروای قیلماي گرزوان و المار و قیصار و چیچکتو بیله یوروب فخرالدین اولومی دین اوتوب بادغیس توابعیدین دره بام دیگان یرگا کیلدک چون

Turkish

Onlardan haber alana kadar birkaç gün Kûh-i Sâf yaylasında kaldık. Bu dolayların av hayvanı çok bol olur. Bir kere avlandık. Bir iki gün sonra bütün oymaklar gelip bağlılık sundular. Cihangir Mirza oymaklara birkaç defa adam gönderdi. Bir defasında İmadeddin Mesud’u gönderdi. Gitmediler; benim yanıma geldiler. Sonunda Mirza mecbur kaldı. Kûh-i Sâf’tan Dere-i Bây’a indiğimizde gelip beni gördü. Biz Horasan kaygısıyla meşgul olduğumuzdan Mirza’ya bakmadan, oymaklara aldırmadan Gürzevân, Almar, Kaysar ve Çiçektü yolundan yürüyüp Fahreddin Ölümü’nden geçerek Bâdgîs’e bağlı Dere-i Bâm denilen yere geldik. Ortalık

English

Not yet available.