✺Baburname

Xuroson azimati qilildi. G‘urband va Shibartu yo‘li bila mutavajjih bo‘lduq. Jahongir Mirzo ul viloyat-tin chun noxushluq bila chiqib edi, aymoqni o‘ziga qo‘shsa, ba’zi sharir-u muftinlar yana ne angizlar qilur ekin deb, Ushtur Shahrdin uruqdin ayrilib, uruqta Vali Xozinni va Davlat Qadam Qaravulni qo‘yub, aymoqni botroq egallaling deb, jarida tez tepraduk. Ul kun Zahhok qal’asig‘a kelduk. Andin Gunbadak ko‘tali bila oshib, Sayqonni bosturub, Dandonshikan ko‘talidin o‘tub, Kohmard o‘langig‘a tushuldi. Sayyid Afzal Xobbin’g‘a Sulton Muhammad Duldayni qo‘shub, Kobuldin mutavajjih bo‘lg‘onimizning kayfiyatini arzadosht qilib, Sulton Husayn Mirzog‘a yiborildi. Jahongir Mirzo keyinrak qolg‘on ekandur. Bomiyon to‘g‘rusig‘a

yetkanda yigirma o‘tuz kishi bila Bomiyonning sarig‘a keladur ekandur. Bomiyong‘a yovuq yetkanda bizning keyin qolg‘on uruqning chodirlarini ko‘rarlar. Bizni xayol qilib, tez-o‘q yonarlar. O‘rdularig‘a yetkach hech nimaga boqmay ko‘charlar. Keyinlarig‘a boqmay Yaka O‘lang navohisig‘a tortarlar. Shayboniy Xon Balxni muhosara qilib edi. Balxda Sulton Quli edi. Shayboniy Xon ikki uch sultonni uch to‘rt ming kishi bila Badaxshon-ni chopqali yibordi. Ul fursat Muborak Shoh va Zubayr yana Nosir Mirzog‘a kelib qo‘shulub edilar. Agarchi burunroq niqor-u kuduratlari bor edi. Kishmning ayog‘ida Shohdonda Kishm suyining sharqiy tarafida cheriglab olturub edilar kim, bu O‘zbaklar tong boshida