✺Baburname

[...sidin?] vaqt eshaki uchun polondozg‘a g‘ayr-i mukarrar polone buyurur. Otini Ali Sheriy mashhur bo‘ldi. Yana Sayfiy Buxoriy edi. Filjumla mullolig‘i bor edi. O‘qug‘on kitoblarning mufassalini elga ko‘rsatib mullolig‘ni isbot qilur edi. Devon tartib qilibtur. Yana devoni ham bor kim jami’ hirfagarlar uchun aytibtur. Masalni ko‘p aytibtur. Masnaviysi yo‘qtur, nechuk kim bu qit’asi anga doll dur: «Masnaviy garchi sunnat-i she’r ast, man g‘azal farz-i ayn medonam.

Panj bayte ki dilpazir buvad, behtar az Xamsatayn medonam». Bir forsiy aruzi bor. Bisyor kam-suxandur; bir hisob bila asru pursuxandur. Kamsuxan bu ma’ni bila kim keraklik nimalarni bitimaydur; pursuxan bu ma’ni bila kim ravshan-u zohir kalimalarni nuqta-vu e’robig‘acha bitibtur. Chog‘irni yomon ichar ekandur. Badsharob ekandur. Muhkam zarb-i mushti bor ekandur. Yana Abdulloh Masnaviygo‘y edi. Jomdindur. Mulloning xoharzodasi bo‘lur. Taxallusi Hotifiy edi. Xamsa muqobalasida masnaviylar aytibtur. Haft Paykar muqobalasida aytqon masnaviysig‘a Haft Manzar ot qo‘yubtur.

Iskandarnoma muqobalasida Temurnoma aytibtur. Bu masnaviylaridin Layli-vu Majnun mashhurroq-dur, agarchi latofati shuhraticha yo‘qtur. Yana Mir Husayn Muammoiy edi. G‘olibo muammoni ancha hechkim aytqon emas. Hamisha avqoti muammo fikrig‘a masruf ekandur. Ajab faqir-u nomurod-u bebad kishi ekandur.