✺Baburname

Sulton Husayn Mirzo Astarobod cherigidin yong‘onda istiqbolg‘a keldi. Mirzo bila ko‘rushub qopquncha bir holati bo‘ldi. Qopa olmadi. Ko‘tarib elttilar. Tabiblar aslo tashxis qila olmadi-lar. Tanglasig‘a-o‘q Tengri rahmatig‘a bordi. Bir bayti hasb-i hol voqi’ bo‘luptur: Bu dard bila ki o‘lar men, maraz chu zohir emas, / Tabiblar bu balog‘a ne chora qilg‘oylar?

Yana Ahmad Tavakkul Barlos edi. Burunlar muddati Qandahor hukumati munda edi. Yana Vali Beg edi. Hoji Sayf ud-Din Begning naslidindur. Nukuzdur. Mirzoning ulug‘ begi edi. Sulton Husayn Mirzo taxt olg‘ondin so‘ng xayli umr topmadi, bot-o‘q o‘ldi. Musulmon-u namozguzor, Turk va sodiq kishi edi. Yana Hasan Shayx Temur edi. Muni Bobur Mirzo rioyat qilib beglik martabasig‘a yetkurub edi. Yana Noyon Beg edi. Otasi Termiz sayyidlaridindur.

Ona tarafidin ham Sulton Abu Sa’id Mirzo, ham Sulton Husayn Mirzog‘a uruq bo‘lur. Sulton Abu Sa’id Mirzo ham rioyat qilib edi. Sulton Ahmad Mirzo qoshida mu’tabar beg edi. Sulton Husayn Mirzo qoshig‘a ham bordi, yaxshi rioyat topti. Lavand-u xushbosh-u sharobxora-u ayyosh kishi edi. Hasan Ya’qub aning xizmatida bo‘lg‘on uchun Hasan Noyon ham derlar edi. Yana Jahongir Barlos edi. Kobulda necha mahal Muhammad Burunduq bila sheriklik hukumat qilibturlar.