✺Baburname

ma’yub bo‘lg‘ondin so‘ng berib edilar. Bir qiz, bir o‘g‘ul bo‘lub edi. Qizini Sulton Husayn Mirzoning harami Opoq Begim saqlab edi. Haridin Kobulg‘a keldi. Sayyid Mirzo Opoq-qa berildi. Begim Sulton, Sulton Mas’ud Mirzoni O‘zbeg o‘lturgandin so‘ng o‘g‘lini olib Ka’ba sori bordi. Bu fursatta xabar keldi kim o‘zi va o‘g‘li Makkada emish, o‘g‘li ulug‘-qina emish. Uchunchi qizini Sayyid Mirzo degan Andaxud sayyidlarig‘a berib edilar.

Artuqini Sayyid Mirzo [?] mashhur edi. Yana bir g‘unchachidin bir qiz bo‘lub edi, Oyisha Sulton otlig‘. Anasi Zubayda Og‘a edi. Hasan Shayx Temurning nabirasi edi. Shaybon sultonlaridin Qosim Sultong‘a berib edilar. Andin bir o‘g‘li bo‘lub edi, Qosim Husayn Sulton otlig‘. Hindustonda mening mulozamatimg‘a keldi. Rono Sango g‘azvida bor edi. Bado‘un anga berildi. Qosim Sulton-din so‘ng Bo‘ron Sulton otlig‘ uruqlaridin oldi. Andin o‘g‘li bor, Abdulloh Sulton otlig‘. Bu tarixda mening mulozamatimdadur. Bovujud kim kichik yoshlighdur, xizmati yomon emas.

Xavotin-u sarori. Avval olg‘on xotuni Bika Sulton Begim edi. Sanjar Mirzo Marviyning qizi edi. Badi’uzzamon Mirzo mundin tug‘ub edi. Ko‘p kaj-xulq edi. Sulton Husayn Mirzo-ni ko‘p og‘ritur edi. Kaj-xulqlig‘idin Mirzo ba-tang keldi. Oxir qo‘ydi va xalos bo‘ldi. Ne qilsun? Haq Mirzo jonibi edi. Zan-i bad dar saroy-i mard-i neku / ham dar in olam ast do‘zax-i u.