✺Baburname

Bu qish bir iki qatla qor yog‘quncha Chorbog‘da-o‘q olturub eduk. Biz Kobul kelgali Turkman Hazorasi anvo’i beadabliqlar va rahzanliqlar qilib edilar. Alarni chopmoq xayol qilib shahrda Ulug‘ Beg Mirzoning Bo‘ston Saroy otlig‘ imoratig‘a kirib andin Sha’bon oyida Turkman Hazorasini chopa otlanduq. Darayi Xush og‘zida Changlikta chopqun qo‘yduq. Ozog‘loq Hazora chopildi. Darayi Xush yovuqida bir sumchda bir pora Hazora yoshung‘on ekandur. Shayx Darvesh Ko‘kaltosh, kim aksar qazoqliqlarda bila edi, qo‘rbeglik mansabi anda edi. Yoyni kuchluk tortar edi, o‘qni xo‘b otar edi. Bu sumchning og‘zig‘a g‘ofil yovuq-o‘q kirib borur. Ichkaridin bir Hazora

emchakiga o‘q o‘qlar. Ushul kun-o‘q o‘ldi. Turkman Hazorasining ko‘praki Darayi Xushta qishlog‘on ekandur. Alarning ustiga mutavajjih bo‘lduq. Darayi Xush tavr dara tushubtur. Yarim kuro‘hga yovuq dara og‘zida tangi tushubtur. Yo‘l tog‘ning kamarida voqi’ bo‘lubtur. Yo‘ldin quyi ham ellik oltmish qori yakandozdur. Yo‘ldin yuqori ham. Yo‘l chuburtmadur. Otliq birar-birar o‘tar. Bu tangidin o‘tub ul kun iki namoz orasig‘acha borib elga yetmay bir yerda qo‘nduq. Hazoraning bir semiz-lik tevasini topib kelturdilar. Ani o‘lturub go‘shtidin bir pora kabob qilduq. Bir porasini oftobada pishurub yeduk. Ancha laziz teva eti hargiz