✺Baburname

va af’olidin jong‘a yettuk, ruxsat berduk. Ruxsat tilaganidin so‘ng pushaymon bo‘ldi. Iztiroblar qila kirishti. Foyda qilmadi. Manga aytturub yiboribtur kim: “Shart qilib edilar kim to‘qquz gunoh mendin sodir bo‘lmag‘uncha so‘rmag‘aylar.” Men Mullo Bobodin on bir gunohini birar-birar xotirnishon qilib aytib yibordim. Mulzam bo‘ldi.

Ko‘ch va moli bila Hinduston tarafig‘a ruxsat berildi. O‘zining bir necha navkarlari Xaybardin o‘tkarib keldilar. Boqi Kokiyonining korvonig‘a qotilib Nilobni kechti.

Ol mahalda Yor Husayn Daryo Xon Kecha Ko‘tta edi. Ko‘hattin olib borg‘on farmonlarini sanad qilib Dila Zok bila Yusufzayidin bir pora afg‘onlarni va yana bir pora Jat Gujarni o‘ziga yor va navkar qilib, ish-kuchi el talamoq, yo‘l urmoq edi. Boqining xabarini eshitib yo‘lini to‘sub Boqi bila borg‘onlarni arig‘ oldi. Boqini o‘lturub xotunini oldi. Agarchi biz Boqig‘a hech yomonliq qilmay qo‘ya berduk, vale o‘z yomonlig‘i olig‘a kelib o‘z amalig‘a giriftor bo‘ldi. Tu badkunandayi xudro ba ro‘zgor sipor; ki ro‘zgor turo chokarist kinaguzor.