✺Baburname

bu yurushka ko‘prak sa’y qildilar. Yorig‘a yetgan mahalda xabar toptuq kim Sher Ali Chehra va Kichik Boqiy Devona va yana bir necha kishining qochar xayollari bor emish. Bularni tutturub Sher Ali Chehradin kim anvo’i fitnalar va yomonliqlar mening qoshimda ekanda va g‘ayri mening qoshimda ekanda, ol viloyat-u bu viloyatta zohir-u voqi’ bo‘lub edi, yasoqqa yetkuruldi. O‘zgalarini ot-u yarog‘idin ayirib qo‘yduq. Qalotqa yetganda beyaroq-u beasbob yetgan bila-o‘q har taraftin urush solduq. Hayli urush bo‘ldi.

Xoja Kalonning og‘osi Kichik Beg xayli mardona yigit edi. Necha navbat mening olimda qilichlar chopib edi, nechuk kim bu tarixta mazkur bo‘lub tur. Qalotning g‘arb-janub tarafi burjidin yopishib chiqa yovushqon mahalda ko‘ziga nayza bila sonchti-lar. Bir ikki kundin keyin Qalotni olg‘ondin so‘ng ushbu yora bila bordi. Kichik Boqiy Devona Sher Ali bila qochadurg‘onida tutturulub edi. Munda ol qabohatining tadoruki-ga darvozada fasil quyig‘a kirganda tosh zaxmi bila o‘ldi. Yana bir ikki kishi ham o‘ldi.