✺Baburname

yorilib edi kim ba’zi tarafi pilcha past, yorilg‘on yerga ba’zi yerda kishi sig‘or erdi. Zilzila bo‘lg‘on zamon jami’ tog‘larning boshidin gardlar qo‘pti. Nurulloh Tanburachi qoshimda soz choladur edi. Yana bir soz ham bor edi. Ushal zamon har ikki sozni elikiga oldi. Andoq beixtiyor bo‘ldi kim sozlar bir-birga urundi.

Jahongir Mirzo tepada Ulug‘ Beg Mirzo solg‘on imoratlardin bir boloxonaning ayvonida edi. Zilzila bo‘lg‘och o‘zini toshladi, osibi yetmadi. Jahongir Mirzoning yovuqlaridin bir ushbu boloxonada ekandur. Boloxona tomi ustiga yiqilib tur.

Tengri soxloy, hech yeriga ozori yetmadi. Tepadaqi uylar aksar tuz bo‘ldi.

Ushul kun o‘tuz uch qatla yer tebrandi. Qo‘rg‘onning burj-u borusining shikast-u rextini beglarga va sipohiylarg‘a farmon bo‘ldi kim isloh-u marammat qilg‘oy-lar. Yigirma kun bir oyda jidd-u ehtimom bila qo‘rg‘onning sinuq-buzuqini butkarib qo‘porilib edi. Burun Qandahor tarafi qilg‘on azimat behuzurluq va zilzila jihatidin keyin-rak qolib edi. Behuzurluqni o‘tkarib qo‘rg‘onni butkarib burung‘i azimat musammam bo‘ldi. Hanuz Qandahor tarafi bormoqni yo chopqun uchun tog‘-u tuzni axtarmoqni jazm qilmaydur eduk. Shanizning ayog‘ig‘a tushganda Jahongir Mirzoni va beglarni yig‘ib kengashildi. So‘z Qalotning ustiga bormoqqa qaror topti. Jahongir Mirzo va Boqiy Chag‘oniyoniy