✺Baburname

kuni Tengri rahmatig‘a bordi. Ulug‘ Beg Mirzo tog‘ domanasida bog‘ imorat qilib edi, Bog‘i Navro‘ziy otliq. Vorisasining ruxsati bila yakshanba kuni bu bog‘qa kelturub, men va Qosim Ko‘kaltosh tufroqqa topshurduq. Bu qorada Kichik Xon dodom Olacha Xonni va ulug‘ onam Eson Davlat Begimni manga eshitturdilar. Xonimning qirqi yovutub, Shoh Begim, mening xolam Sulton Ahmad Mirzoning harami Mehr Nigor Xonim, Muhammad Husayn Qo‘rg‘on Dug‘lot keldilar. Qoralar toza bo‘lub, firoqlar o‘qi beandoza bo‘ldi. Qoro rasmini keltur-gandin so‘ng osh-u taom faqir-u masoking‘a tortib, xatm-u duolar borg‘onlarning arvohi-g‘a qilib, ko‘ngullarni olib, qorolarini solib, bu jihattin forig‘ bo‘lg‘ondin

so‘ng Boqiy Chag‘oniyoniyning sa’yi bila Qandahor ustiga cherik otlanduk. Safar qilib kelib Qush Nodir o‘langiga tushub edim kim men isitdim. Ajab tavr behuzurluq edi.

Meni har necha sa’y qilib uyg‘otsalar, yana ushal zamon ko‘zum uyqug‘a borur edi. To‘rt besh kundin so‘ng filjumla yaxshiroq bo‘ldum. Bu asnoda andoq zilzila bo‘ldi kim qo‘rg‘onning fasillari va bog‘larning tomlari aksar yiqilib, shahrda va kentlarda ko‘p uylar hamvor bo‘lub, uy-u tom ostig‘a qolib o‘lgan bisyor bo‘ldi. Pamg‘on kentining uylari tamom yiqildi. Yetmish seksan obdon kadxudolar tom ostig‘a qolib o‘ldilar. Lamg‘on Biktut orasida bir porcha yer kim arzi berkita tosh otimi bo‘lg‘oy, uchub bir o‘q otimi quyi bordi. Uchqon yerning o‘zidin chashmalar paydo bo‘ldi. Istarg‘achdin Maydong‘acha taxminan olti yetti yig‘och yo‘l bo‘lg‘oy, yer andoq